• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سموسے،پکوڑے،جلیبیوں کی تیاری میں مضر صحت تیل کا استعمال

میرا شہر
ملتان
13 مارچ ، 2024
ملتان(سٹاف رپورٹر) رمضان المبارک میں سموسے،پکوڑے،جلیبی سمیت دیگر اشیاء کی تیاری میں غیر معیاری اور مضر صحت آئل(تیل) استعمال کئے جانے کی شکایات سامنے آئی ہیں ۔ماہ مقدس کےآغازکے ساتھ ہی شہر میں سموسے، پکوڑے ، جلیبی،دہی بھلے وغیرہ کی طلب میں اضافہ ہو گیا ہے۔بتایا جاتاہے کہ شہر کے مختلف علاقوں میں دکانداروں نے زیادہ منافع کمانے کے لالچ میں ان اشیاء کی تیاری میں غیر معیاری اور مضر صحت تیل استعمال کرنا شروع کر دیاہےجسکی وجہ سے شہریوں کے بیماریوں میں مبتلا ہونے کا خدشہ ہے۔شہری حلقوں نے اس صورتحال پر شدید تشویش کا اظہار کیا ہے اور ضلعی حکومت سے مطالبہ کیا ہے کہ جہاں گراں فروشی کے خلاف ایکشن لیا جا رہا ہے وہاں مضر صحت اور غیر معیاری اشیاء استعمال کرنے والوں کے خلاف مقدمات درج کئے جائیں۔اس بارے جب ڈاکٹرعارف بھٹی سے بات کی گئی تو انہوں نے کہا کہ شہریمضرصحتاور غیر معیاری تیل میں تیار ہونے والی اشیاء ہرگز استعمال نہ کریں اس سے معدہ کے امراض خاص طور پر السر پیدا ہونے کا خدشہ ہے ۔
ملتان سے مزید