فرمان الہی
نماز کے اوقات
کراچی (افضل ندیم ڈوگر) کراچی ایئرپورٹ پر بیرون ملک سے آئے والد کو دیکھ کر بے ساختہ بھاگی بچی کے بال پکڑ کر دھکا دینے والے اے ایس ایف سب انسپکٹر کو نوکری سے برخاست کردیا گیا ہے۔ ملوث افسر سبحان کے خلاف محکمانہ قوانین کے تحت مزید سخت ترین کارروائی بھی کی جارہی ہے۔ اے ایس ایف حکام کے مطابق سب انسپکٹر سبحان پنجاب کے علاقے کمالیہ سے تعلق رکھتا ہے جو اے ایس ایف میں 35 سالہ ملازمت مکمل کر چکا ہے۔ سبحان واقعے کے وقت کراچی ایئرپورٹ پر بین الاقوامی آمد کے خارجی گیٹ کا انچارج تھا۔ حکام کے مطابق بچی کو بالوں سے پکڑ کر دھکا دینے کا واقعہ 10 مارچ کو دوپہر 12 بجکر 50 منٹ پر پیش آیا۔ اے ایس ایف حکام کے مطابق اس سلسلے میں کوئی شکایت سامنے نہیں آئی۔ واقعہ کی ویڈیو آئی تو سبحان کے خلاف محکمانہ کارروائی کی گئی۔ اس سلسلے میں ایک خط بھی سامنے آیا ہے۔
