• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایرانی ڈرونز کا حملہ روکنے کیلئے اسرائیل کو ایک ارب ڈالر کا نقصان

آج کا اخبار
یورپ سے
15 اپریل ، 2024
تل ابیب ( نیوز ڈیسک)اسرائیل کو ایران کے ڈرونز حملوں کو روکنے کیلئے ایک ارب ڈالر کی قیمت چکانا پڑی۔اسرائیلی میڈیا کے مطابق ملک کے دفاعی فضائی نظام نے ایران کے 100سے زائد ڈرونز کو فضا میں ہی ناکارہ بناکر فوجی تنصیبات اور شہریوں کی جان و مال کی حفاظت یقینی بنایا لیکن ان حملوں کو روکنے میں ایک ارب ڈالر خرچ ہوگئے۔اسرائیلی میڈیا نے دعویٰ کیا کہ ایران کے ڈرونز حملوں دوران اسرائیلی جنگی طیارے فضا میں ہی رہے اور ہوائی اڈوں پر نہیں اُترے تاکہ ان ڈرونز کا نشانہ بننے سے بچ سکیں۔اسرائیلی فوج کی جانب سے جاری بیان میں دعویٰ کیا گیا تھا کہ ایران کے 99 فیصد ڈرونز اور میزائلوں کو اردن کی فضاؤں میں ہی تباہ کر دیا تھا اس لیے کوئی جانی اور مالی نقصان نہیں ہوا۔اسرائیلی فوج نے تصدیق کی کہ ایران نے 300کے قریب بیلسٹک میزائلز، ڈرونز اور کروز میزائلوں سے حملہ کیا تھا۔ 
یورپ سے سے مزید