وزنی سکول بیگ بچوں کی نشوونما کو بری طرح متاثر کر رہے ہیں،ماہرین

لاہور(خبرنگار ) وزنی سکول بیگ ہمارے بچوں کی نشوونما کو بری طرح متاثر کر رہے ہیں۔ بائیو مکینکس دور جدید کا ڈسپلن ہے جسے تعلیمی اداروں میں عام کر کے ہم کروڑوں کا زرمبادلہ کما سکتے ہیں۔ فزیو تھراپسٹ کی تعداد آبادی کے تناسب سے بہت کم ہے۔ ان خیالات کا اظہار مقررین نے لاہور کالج فار ویمن یونیورسٹی میں بائیو مکینس پر تین روزہ انٹرنیشنل ورکشاپ کی اختتامی تقریب میں کیا۔ چیئرمین پنجاب ہائر ایجوکیشن کمیشن پروفیسر ڈاکٹر شاہد منیر مہمان خصوصی تھے۔ وائس چانسلر لاہور کالج فار ویمن یونیورسٹی پروفیسر ڈاکٹر شگفتہ ناز نے مہمان اعزاز کی حیثیت سے شرکت کی۔