تجاوزات کے حوالے سے کبھی کوئی نوٹس نہیں آیا، چیئرمین PTI

چیئرمین پی ٹی آئی بیرسٹر گوہر کا کہنا ہے کہ ہمارے پاس سیکریٹریٹ پر تجاوزات کے حوالے سے کبھی کوئی نوٹس نہیں آیا۔

اسلام آباد میں میڈیا سے گفتگو کرتے ہوئے بیرسٹر گوہر کا کہنا تھا کہ سی ڈی اے اہلکاروں سے پوچھا، کوئی آرڈر ہے تو دکھائیں مگر وہ نہیں دکھا سکے۔

اسلام آباد: PTI سیکرٹریٹ کا ایک حصہ گرا دیا گیا

اسلام آباد میں پاکستان تحریک انصاف (پی ٹی آئی) کے سینٹرل سیکریٹریٹ پر کیپیٹل ڈیویلپمنٹ اتھارٹی (سی ڈی اے) کا آپریشن، غیر قانونی تعمیرات کے نام پر دفتر کا ایک حصہ گرا دیا گیا۔

چیئرمین پی ٹی آئی نے کہا کہ تجاوزات تھیں تو ہمیں بتاتے ہم خود انہیں گرا دیتے۔

واضح رہے کہ اسلام آباد میں پی ٹی آئی کے سینٹرل سیکریٹریٹ پر سی ڈی اے نے رات گئے آپریشن کیا اور غیر قانونی تعمیرات کے نام پر دفتر کا ایک حصہ گرا دیا۔