کامیڈین کاشف خان کی صاحبزادی، اداکارہ ربیکا خان کی ’بات پکی‘ ہو گئی

مشہور کامیڈین کاشف خان کی صاحبزادی اور  اداکارہ و یوٹیوبر ربیکا خان کی ڈیجیٹل کانٹینٹ کرئیٹر حسین ترین کے ساتھ ’بات پکی‘ ہو گئی ہے۔

ربیکا خان اور حسین ترین نے اپنی بات پکی ہونے کی رسم سے خوبصورت تصویریں اور ویڈیوز سوشل میڈیا پر شیئر کی ہیں۔

’بات پکی‘ رسم سے مداحوں و فالوورز کے ساتھ شیئر کی گئی یہ خوبصورت تصویریں اور ویڈیوز وائرل ہو گئی ہیں جن پر اس جوڑی کو ہر عام و خاص شخصیت کی جانب سے مبارکباد دینے کا سلسلہ جاری ہے۔

ربیکا خان نے حسین ترین کے ساتھ مشترکہ پوسٹس شیئر کرتے ہوئے اللّٰہ کا شکر ادا کیا ہے۔

تصویروں میں اس مستقبل کی جوڑی کو نہایت خوش دیکھا جا سکتا ہے۔

تصویروں میں ڈیجیٹل پلیٹ فامرز پر کانٹینٹ کرئیٹ کرنے والی یہ مشہور جوڑی مٹھائی کھلا کر ایک دوسرے سے محبت اور خوشی کا اظہار کر رہی ہے۔

ربیکا خان اور حسین ترین نے اپنی زندگی کے اس اہم ترین دن کے لیے کریم اور سنہری رنگوں کا انتخاب کیا ہے۔

ربیکا خان نے خوبصورت برانڈڈ لباس کے ساتھ پھولوں کا زیور پہنا ہوا ہے جس میں وہ خوب جچ رہی ہیںْ

ربیکا خان کی جانب سے پہنے گئے لباس کی قیمت 49 ہزار 500 روپے ہے۔

مشہور کامیڈین کاشف خان کی بیٹی رابیکا خان بھارتی میوزک ویڈیو میں نظر آئیں گی

پاکستانی معروف ٹک ٹاکر، یوٹیوبر، گلوکارہ، اداکارہ و ماڈل رابیکا خان نے انکشاف کیا ہے کہ بہت جَلد بھارت میں اُن کی ایک میوزک ویڈیو ریلیز ہونے والی ہے۔

تصویروں میں دیکھا جا سکتا ہے کہ ربیکا اور حسین نے روایتی انداز میں غیر روایتی طریقے سے بنے ہوئے نوٹوں کے ہار بھی پہنے ہوئے ہیں۔

واضح رہے کہ ربیکا خان مشہور کامیڈین و اداکار کاشف خان کی بیٹی ہیں۔

ربیکا خان پاکستان سمیت بھارت کی موسیقی انڈسٹری میں بھی کام کر چکی ہیں۔