فرمان الہی
نماز کے اوقات
کراچی (عبدالماجد بھٹی) : ٹی 20 ورلڈکپ میں پاکستان ٹیم کی کارکردگی زبردست رہی ہے۔
پاکستان ٹیم ٹی 20 ورلڈ کپ کی دوسری کامیاب ٹیم ہے جس نے 47 میچز کھیلے اور 28 جیتے جب کہ سب سے زیادہ 6 سیمی فائنل اور تین فائنل کھیلنے کا اعزاز بھی رکھتی ہے۔
بدقسمتی سے پہلا ٹی ٹوئنٹی ورلڈ کپ نہ جیتنے والی پاکستانی ٹیم نے دوسرے ورلڈ کپ کی ٹرافی اٹھائی اور آخری دو ورلڈ کپ میں تو اس کی پُرفارمنس انتہائی شاندار رہی، جس میں ایک بار سیمی فائنل اور ایک بار فائنل کھیلا۔
2022 میں میلبورن میں انگلینڈ سے فائنل ہوا لیکن اسٹار فاسٹ بولر شاہین شاہ آفریدی کی انجری اور میچ میں عدم شرکت نے دوسری بار عالمی چیمپئن بننے کا خواب چکنا چور کر دیا۔
پاکستان ٹیم ان تین ٹیموں میں سے ایک ہے جنہوں نے ٹی ٹوئنٹی ورلڈ کپ کے تین، تین فائنل تک رسائی حاصل کی ہے۔ پاکستان نے لگاتار 2007 اور 2009 اور پھر 2022 میں فائنل کھیلنے کا اعزاز حاصل کیا۔ سری لنکا اور انگلینڈ بھی تین تین فائنل کھیل چکی ہیں۔
