عظمیٰ بخاری کا احمد خان بھچر کی پریس کانفرنس پر ردعمل

پنجاب کی وزیرِ اطلاعات عظمیٰ بخاری نے اپوزیشن لیڈر احمد خان بھچر کی پریس کانفرنس پر ردِعمل کا اظہار کیا ہے۔

عظمیٰ بخاری نے کہا ہے کہ وزیرِ اعلیٰ پنجاب نے 100 دنوں میں 42 عوامی مفاد کے پروجیکٹس متعارف کرائے، صحت کارڈ پر رنگ روغن آپ نے کیا، نواز شریف 2015ء میں متعارف کرا چکے تھے۔

ہتکِ عزت بل کے معاملے پر پیپلز پارٹی نے آنکھوں میں دھول جھونکی: ملک احمد خان بھچر

لاہور میں پریس کانفرنس کرتے ہوئے ملک احمد خان بھچر نے کہا کہ ہم ہتک عزت بل کے خلاف عدالت میں جارہے ہیں، پی ٹی آئی صحافیوں کے شانہ بشانہ کھڑی ہے۔

انہوں نے کہا کہ تختیاں لگانا آپ کی حکومت کا مشغلہ رہا ہے، تحریکِ انصاف کے دور میں 2 کسانوں کو گولیاں ماری گئیں۔

عظمیٰ بخاری نے یہ بھی کہا کہ مریم نواز نے وزیرِ اعلیٰ منتخب ہوتے ہی 30 ارب روپے کا رمضان پیکیج دیا۔