برسلز (نیوز ڈیسک) یورپی یونین کی کوپرنیکس کلائمیٹ چینج سروس نے کہا ہے کہ عالمی سطح پر سب سے گرم ترین دن 21جولائی کو ریکارڈ کیا گیا۔ خبر رساں ادارے کے یورپی یونین کی کلائمیٹ چینج سروس نے کہا ہے کہ عالمی سطح پر اوسط درجہ حرارت 17.09سینٹی گریڈ تک پہنچ گیا جو گزشتہ برس کے جولائی سے زیادہ ہے۔ کوپرنیکس کلائمنٹ چینج سروس نے بتایا کہ یومیہ اوسط درجہ حرارت کا 84سالہ ریکارڈ 21جولائی بروز اتوار کو ٹوٹا۔ یاد رہے کہ گزشتہ برس بھی لگاتار 3جولائی سے 6 جولائی تک موسمیاتی تبدیلی کے باعث ریکارڈ درجہ حرارت دیکھا گیا تھا تاہم اس برس یہ ریکارڈ بھی ٹوٹ گیا ماہرین موسمیات نے خدشہ ظاہر کیا ہے کہ 2024ء کے ابتدا سے ہی لگتا ہے کہ یہ سال گرم ترین سال ہونے کے ساتھ 2023 کے ریکارڈ کو بھی توڑ دے گا۔واضح رہے کہ رواں برس گرم موسم نے امریکا سمیت برطانیہ اور دیگر ٹھنڈے ممالک کو جھلسا کر رکھ دیا ہے۔ ہیٹ ویو سے دنیا بھر میں ہونے والی ہلاکتوں میں بھی اضافہ ہوا ہے۔
فرمان الہی
نماز کے اوقات
