بلوچستان: منکی پوکس کے پھیلاؤ کا خدشہ، محکمہ صحت کا ہائی الرٹ

منکی پوکس کے پھیلاؤ کے خدشے پر محکمہ صحت بلوچستان نے صوبے میں ہائی الرٹ جاری کردیا۔ 

ڈی جی صحت نے کوئٹہ، کیچ، گوادر، حب، چمن، چاغی کے ضلعی ہیلتھ افسران کو مراسلہ جاری کردیا۔ 

اس مراسلے میں سرحدی اضلاع کے تمام داخلی راستوں پر اقدامات کی ہدایت کی گئی ہے۔ 

کانگو و منکی پاکس کی روک تھام، کراچی ایئر پورٹ پر 22 پروازوں کے مسافروں کی اسکریننگ

کانگو اور منکی پاکس وائرس کے پھیلاؤ کی روک تھام کے لیے کراچی ایئر پورٹ پر بیرون ملک سے آنے والے مسافروں کی طبی جانچ کا عمل جاری ہے۔

اسی طرح ایئرپورٹس، گوادر، تربت، چمن، تفتان سرحدوں کےلیے بھی ہائی الرٹ جاری کیا گیا ہے۔ 

مراسلے میں تمام داخلی راستوں پر منکی پاکس کے مشتبہ کیس کی صورت میں متعلقہ حکام کو مطلع کرنے کی ہدایت کی گئی ہے۔