بنگلادیش: جھیل کے پانی میں مبینہ طور پر زہر ملانے سے ہزاروں مچھلیاں مرگئیں

بنگلادیش کی دھان منڈی جھیل کے پانی میں مبینہ طور پر زہر ملانے سے ہزاروں کی تعداد میں مچھلیاں مرگئیں۔

بنگلادیشی میڈیا کا کہنا ہے کہ ڈھاکہ ساؤتھ سٹی کارپوریشن نے جمعہ کے روز دھان منڈی جھیل سے تقریباً 1.5 ٹن مردہ مچھلیوں کو ہٹایا، مقامی لوگوں نے دوپہر کے وقت جھیل میں ہزاروں مردہ مچھلیوں کو دیکھا۔

شیخ حسینہ کی خفیہ جیلوں کی تفصیلات منظر عام پر آنے لگیں

انسانی حقوق کی تنظیموں کے مطابق، حسینہ کے دور میں 600 سے زائد جبری گمشدگیاں رپورٹ ہوئیں۔

حکام نے کہا ہے کہ مچھلیوں کی موت کی کوئی خاص وجہ فوری طور پر معلوم نہیں ہو سکی، تاہم خدشہ ہے کہ مردہ مچھلیوں کی تعداد میں مزید اضافہ ہو سکتا ہے۔

ڈھاکہ ساؤتھ سٹی کارپوریشن کے افسر کا کہنا ہے کہ پانی اور مردہ مچھلیوں کے نمونے اکٹھے کیے گئے ہیں تاکہ موت کی وجہ کا پتہ چل سکے۔

انہوں نے کہا کہ مچھلیوں کو کسی نے ذاتی مفاد کے لیے زہر دیا ہو گا، ممکنہ طور پر جھیل کے ایک سابق لیز ہولڈر نے موجودہ لیز ہولڈر کے کاروبار کو خراب کرنے کے لیے یہ قدم اٹھایا ہو۔