• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ، 23 ستمبر سے 27 ستمبر تک کیسز کی سماعت کیلئے 8 بینچز تشکیل

آج کا اخبار
اہم خبریں
22 ستمبر ، 2024
اسلام آباد(صباح نیوز)سپریم کورٹ آف پاکستان میں سوموار23ستمبر سے جمعہ 27ستمبر تک کیسزکی سماعت کیلئے 8بینچز تشکیل دے دیئے گئے۔ تشکیل دیئے گئے بینچز میں چیف جسٹس آف پاکستان جسٹس قاضی فائز عیسیٰ کی سربراہی میں جسٹس امین الدین خان، جسٹس جمال خان مندوخیل ، جسٹس نعیم اخترافغان اور جسٹس عقیل احمد عباسی پر مشتمل 5رکنی لارجر بینچ، 5تین رکنی بینچ اور دو رکنی بینچ شامل ہیں۔ چیف جسٹس قاضی فائز عیسیٰ کی سربراہی میں5رکنی لارجر بینچ منگل24ستمبر کو دن ساڑھے 11بجے صوبہ پنجاب میں الیکشن ٹربیونلز کے قیام کے حوالے سے الیکشن کمیشن آف پاکستان، سلما ن اکرم راجہ، محمد شبیر اعوان اور دیگر کی جانب سے دائر درخواستوں پر سماعت کریگا۔ جبکہ چیف جسٹس قاضی فائز عیسیٰ کی سربراہی میں جسٹس نعیم اختر افغان اورجسٹس شاہد بلال حسن پر مشتمل 3رکنی بینچ سوموار 23ستمبر سے جمعہ 27ستمبر تک مختلف اہم نوعیت کے کیسز کی سماعت کریگا۔ سپریم کورٹ کے سینئر ترین جج سید منصورعلی شاہ کی سربراہی میں جسٹس عائشہ اے ملک اور جسٹس عقیل احمد عباسی پر مشتمل 3رکنی بینچ پیر 23ستمبر سے جمعہ 27ستمبر تک مختلف اہم نوعیت کے کیسز کی سماعت کریگا۔ جسٹس منیب اختر کی سربراہی میں جسٹس اطہر من اللہ پر مشتمل 2رکنی بینچ پیر 23ستمبر سے جمعہ 27ستمبر تک مختلف اہم نوعیت کے کیسز کی سماعت کریگا۔ جسٹس یحییٰ خان آفریدی کی سربراہی میں جسٹس سید حسن اظہر رضوی اورجسٹس شاہد وحید پر مشتمل 3رکنی بینچ پیر 23ستمبر سے جمعہ 27ستمبر تک مختلف اہم نوعیت کے کیسز کی سماعت کریگا۔
اہم خبریں سے مزید