فرمان الہی
نماز کے اوقات
کراچی (اسٹاف رپورٹر) چیمپئنز ون ڈے کپ کا پلے آف مرحلہ منگل سے شروع ہوگا۔ کوالیفائر میں مارخور کا مقابلہ پینتھرز سے مقابلہ ہوگا۔ بدھ 25 ستمبر کو پہلے ایلیمنیٹر میں الائیڈ بینک اسٹالینز اور نور پور لائنز مدمقابل ہونگی۔ دس میچوں کے سنگل لیگ راؤنڈ کے بعد مارخورز اور پینتھرز بالترتیب پہلے اور دوسرے نمبر پر رہیں۔ جبکہ اسٹالینز اور لائنز کا تیسرا اور چوتھا نمبر رہا۔ اینگرو ڈولفنز چار میچوں میں سے صرف ایک میچ جیتنے کے بعد پانچویں اور آخری پوزیشن پر رہی۔ بیٹنگ میں مارخورز کے کامران غلام نے چار میچوں میں دو سنچریوں کی مدد سے 61.75 کی اوسط سے 247 رنز بنائے۔ اسٹالینز کے بابر اعظم اور طیب طاہر بالترتیب 230اور 221رنز کے ساتھ دوسرے اور تیسرے نمبر پر ہیں۔ بولنگ میں پینتھرز کے تیز بولر محمد حسنین نے 11 وکٹیں حاصل کیں ۔ اسٹالینز کے جہانداد خان 10 وکٹوں کے ساتھ دوسرے نمبر پر ہیں۔ زاہد محمود (مارخورز ) اور شاہین شاہ آفریدی (لائنز) 9 ، 9 وکٹوں کے ساتھ مشترکہ تیسرے نمبر پر ہیں۔
