فرمان الہی
نماز کے اوقات
کراچی(اسٹاف رپورٹر)قائداعظم ٹرافی کرکٹ ٹورنامنٹ کےسہ فریقی مرحلے میں لاہور وائٹس کے محمد عمران اور علی زریاب آصف نے ڈبل سنچری اوپننگ پارٹنرشپ قائم کی اورلاہور وائٹس نے سیالکوٹ کے 465 رنز کا مؤثر جواب دیا ہے۔نیشنل اسٹیڈیم میں قائداعظم ٹرافی کے سہ فریقی مرحلے کے میچ کے دوسرے دن کھیل ختم ہونے پر لاہور وائٹس نے 240 رنز بنائے تھے اور اس کی دو وکٹیں گری تھیں۔محمد عمران اور علی زریاب آصف نے پہلی وکٹ کی شراکت میں233 رنز کا اضافہ کیا۔محمد عمران 18 چوکوں اور2 چھکوں کی مدد سے132 رنز بناکر رن آؤٹ ہوگئے۔ اطیب احمد5 رنز بنا پائے۔ علی زریاب 10 چوکوں کی مدد سے 91رنز بناکر ناٹ آؤٹ ہیں۔اس سے قبل سیالکوٹ نے اپنی پہلی اننگز336رنز4کھلاڑی آؤٹ پر شروع کی اور اسکور میں129 رنز کا اضافہ کرپائی ۔گزشتہ روز کے ناٹ آؤٹ بیٹر اذان اویس اپنے اسکور میں صرف 5 رنز کا اضافہ کرکے 168رنز پر حکمت اللہ کی گیند پر آؤٹ ہوگئے۔محسن ریاض نے 8 چوکوں اور ایک چھکے کی مدد سے 51 رنز اسکور کیے۔ کپتان عماد بٹ نے25 رنز اسکور کیے۔ شعیب اختر6 چوکوں کی مدد سے26 رنز بناکر ناٹ آؤٹ رہے۔محمد وحید نے124 رنز دے کر5 وکٹیں حاصل کیں۔ حکمت اللہ نے83 رنز کے عوض3 کھلاڑی آؤٹ کیے۔لاہور وائٹس سیالکوٹ کے اسکور سے225 رنز پیچھے ہے اس کی 8 وکٹیں باقی ہیں۔
