نیتن یاہو نے میرے باتھ روم میں جاسوسی آلات نصب کیے تھے، بورس جانسن کا انکشاف

لندن(این این آئی)برطانیہ کے سابق وزیراعظم بورس جانسن نے انکشاف کیا ہے کہ اسرائیلی وزیراعظم نیتن یاہو نے میرے باتھ روم میں جاسوسی آلات نصب کیے تھے، اسرائیلی وزیراعظم کے باہر آنے کے بعدسیکورٹی ٹیم نے باتھ روم کاجائز ہ لیاتوباتیں سننے کے آلات برآمد ملے،برطانوی اخبار کےمطابق نیتن یاہو نے اس بیان پر ردعمل سے گریز کیا،اسرائیل پر وائٹ ہاؤس انٹرنیشنل کرمنل کورٹ کی بھی جاسوسی کرنے کے الزامات لگے ہیں۔ تفصیلات کے مطابق بورنس جانسن نے انکشاف کیا ہے کہ اسرائیلی وزیراعظم سے ملاقات کے بعد دفتر خارجہ میں ان کے ذاتی باتھ روم سے جاسوسی آلات برآمد ہوئے تھے۔ برطانوی میڈیا کے مطابق سابق وزیراعظم بورس جانسن نے یہ بات اپنی نئی کتاب میں تحریر کی ہے۔اسرائیلی وزیراعظم بنجامن نیتن یاہو سے بورس جانسن کی یہ ملاقات سن 2017 میں ہوئی تھی، ملاقات کے بعد اسرائیلی وزیراعظم باتھ روم گئے۔ وہ جب باہر نکلے تو سیکورٹی ٹیم نے باتھ روم کا جائزہ لیا تو نجی باتیں سننے کے آلات برآمد ہوئے۔دوسری جانب اسرائیلی وزیراعظم نے اس پر تاحال ردعمل سے گریز کیا ہے۔ برطانوی اخبار کے مطابق اسی عرصے میں اسرائیل پر الزام عائد کیا گیا تھا کہ اس نے وائٹ ہاوس میں بھی جاسوسی کے آلات نصب کیے تھے۔ مئی میں یہ بات بھی سامنے آئی تھی کہ اسرائیل عشروں تک انٹرنیشنل کرمنل کورٹ کی بھی جاسوسی کرتا رہا ہے۔خصوصی چیف پراسیکیوٹر کریم خان اوران کے پیشرو Fatou Bensouda تھے، اسی جاسوسی کی وجہ سے اسرائیلی وزیراعظم کو آئی سی سی کے منصوبوں سے آگاہی ملتی رہتی تھی۔