شبلی فراز کے وکیل نے راہداری ضمانت کی درخواست واپس لے لی

پاکستان تحریک انصاف (پی ٹی آئی) کے رہنما شبلی فراز کے وکیل نے راہداری ضمانت کی درخواست واپس لے لی۔

پشاور ہائی کورٹ میں شبلی فراز کی راہداری ضمانت کے لیے درخواست پر چیف جسٹس اشتیاق ابراہیم نے سماعت کی۔

درخواست گزار کے وکیل نے کہا کہ شبلی فراز کے خلاف اسلام آباد میں مقدمات درج ہیں۔

چیف جسٹس پشاور ہائی کورٹ نے درخواست گزار کے وکیل سے سوال کیا کہ درخواست گزار کہاں ہیں؟ 

شبلی فراز کا نام ایک ہفتے میں ای سی ایل سے نکالنے کا حکم

اسلام آباد ہائی کورٹ نے تحریکِ انصاف کے رہنما شبلی فراز کا نام ایک ہفتے میں ای سی ایل سے نکالنے کا حکم دے دیا۔

وکیل نے بتایا کہ درخواست گزار کے ساتھ رابطہ نہیں ہو رہا۔

چیف جسٹس نے کہا کہ درخواست گزار اسلام آباد میں ہوتے ہیں اور آپ ان کی ضمانت کے لیے درخواست دائر کرتے ہیں، درخواست گزار جب موجود ہوں تو پھر درخواست دائر کریں۔

جس کے بعد درخواست گزار کے وکیل نے کہا کہ ہم درخواست کو واپس لیتے ہیں۔