آسٹریلیا: انٹرنیشنل باکسنگ فائٹ میں آصف ہزارہ کامیاب

میلبورن( نیوز ڈیسک)پاکستانی باکسر آصف ہزارہ نے آسٹریلیا میں انٹرنیشنل رینکنگ فائٹ میں انڈونیشین حریف کو شکست دے دی۔ایشین چیمپئن پاکستان کے آصف ہزارہ اور انڈونیشی باکسر ہیمسن لمانڈو کے درمیان فائٹ آسٹریلیا کے شہر میلبورن میں ہوئی۔ چھ راؤنڈز پر مشتمل اس مقابلے میں آصف ہزارہ نے پوائنٹس کی بنیاد پر کامیابی حاصل کی۔ آصف ہزارہ کا عالمی سطح پر یہ نواں مقابلہ تھا جس میں سے اُنہوں نے آٹھویں فائٹ میں فتح سمیٹی۔کامیابی کے بعد آصف ہزارہ کا کہنا تھا کہ انٹرنیشنل فائٹ کیلئے بھر پور تیاری کی تھی پاکستان میں موجود شائقین کا باکسنگ کو سپورٹ کرنے پر وہ شکر گزار ہیں کہتے ہیں کہ اسی طرح باکسرز کو سپورٹ کرتے رہیں تاکہ پاکستان کا نام روشن کرنے کیلئےحوصلہ ملتا رہے۔