فرمان الہی
نماز کے اوقات
لندن(جنگ نیوز) بانی پی ٹی آئی عمران خان آکسفورڈ یونیورسٹی کی چانسلر شپ کی دوڑ سے باہر ہوگئے۔آکسفورڈ یونیورسٹی نے انتخابات کے لئے اہل امیدواروں کی فہرست جاری کردی، جس میں38امیدوار شامل ہیں۔ چانسلر کے لئے امیدواروں کی فہرست میں بانی پی ٹی آئی کا نام شامل نہیں۔آکسفورڈ یونیورسٹی انتظامیہ نے بیان میں کہا کہ پہلی مرتبہ اوپن درخواستیں طلب کی گئی تھیں، چانسلر الیکشن کمیٹی نے ریگولیشنز کے تحت تمام درخواستوں کاجائزہ لیا۔ووٹنگ کاپہلا مرحلہ 18اکتوبرکو ہوگا، جس میں ووٹرز آن لائن ووٹ دے سکتے ہیں۔ سب سے زیادہ ووٹ لینے والے پہلے پانچ امیدوار دوسرے مرحلے کی ووٹنگ کے مرحلے میں شریک ہوں گے، جس کا آغاز 18 نومبر سے ہوگا۔لارڈ پیٹن آف بارنس کے اعلان ریٹائرمنٹ کے بعد یونیورسٹی پہلی بار چانسلر کا انتخاب آن لائن مقبولیت کے ذریعے کرائے گی۔ سابق طلبہ کو امیدواروں کی درجہ بندی کی دعوت دی گئی ہے۔امیدواروں میں لارڈ ولیم لیگ، لارڈ پیٹر مینڈلسن، لیڈی ایلش انجولینی، ڈاکٹر مارگریٹ، سدر آفتاب، حسنات احمد، انور بیگ، کاشف بلال، طلحہ شاہ، کشمالہ رئوف، ابرارالحسن شپو بھی شامل ہیں۔
