• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

IMF سالانہ اجلاس، پاکستان کا موسمیاتی فنانس کی درخواست دینے کا امکان

آج کا اخبار
اہم خبریں
22 اکتوبر ، 2024
اسلام آباد(مہتاب حیدر) پاکستان آئندہ واشنگٹن ڈی سی میں منعقد ہونے والی آئی ایم ایف/ورلڈ بینک کی سالانہ میٹنگ کے موقع پر موسمیاتی فنانس کے ساتھ توسیعی فنڈ فیسیلیٹی (ای ایف ایف) پروگرام میں اضافے کی صورتحال کا جائزہ لے گا۔ اسلام آباد موجودہ قرضوں میں 1.5 سے 2 ارب ڈالر کا اضافہ کرنے کی درخواست پر غور کر سکتا ہے، جس سے ای ایف ایف پروگرام کے قرض کامجموعی سائز 7ارب ڈالر سے بڑھ کر 8سے 9ارب ڈالر ہو جائے گا۔ 2024کی سالانہ میٹنگز میں بین الاقوامی مالیاتی فنڈ (آئی ایم ایف) اور ورلڈ بینک گروپ واشنگٹن، ڈی سی، اکتوبر 21 سے 26تک منعقد ہوں گی، جہاں حکومت، کاروبار، بین الاقوامی تنظیمات، سول سوسائٹی، اور اکیڈمیا سے تعلق رکھنے والے اثرانداز لیڈرز جمع ہوں گے۔ وزیر خزانہ محمد اورنگزیب نے پیر کو نیوز کو بتایا کہ وہ اس وقت واشنگٹن ڈی سی کے راستے پر ہیں۔ "ہم اسے بحث کا نکتہ بنائیں گے لیکن ابھی اس کی مقدار کے بارے میں بات کرنا قبل از وقت ہے،" وزیر نے جواب دیا جب ان سے واشنگٹن ڈی سی کے دورے کے دوران موسمیاتی فنانس کے لئے درخواست کے بارے میں پوچھا گیا۔ پاکستان کے وزیر خزانہ محمد اورنگزیب نے اپنے سرکاری وفد کے ہمراہ اسلام آباد سے واشنگٹن ڈی سی کا سفر کیا ہے تاکہ وہ آئندہ آئی ایم ایف/ورلڈ بینک کی سالانہ میٹنگ میں شرکت کر سکیں جس میں ای ایف ایف کی توسیع کے امکانات پر بحث کی جا سکے۔
اہم خبریں سے مزید