فرمان الہی
نماز کے اوقات
اسلام آباد(نیوز ایجنسیاں) نامزد چیف جسٹس یحییٰ آفریدی نے کہا ہے کہ چیف جسٹس پاکستان قاضی فائز عیسیٰ کو بہت اچھا انسان پایا، وہ بہت نرم مزاج انسان ہیں، اگر آپ چیف جسٹس پاکستان قاضی فائز عیسیٰ کو اکسائیں گے تو پھر انکے غصے سے بچنا مشکل ہے، میں نے بھی ایک مرتبہ چیف جسٹس پاکستان قاضی فائز عیسیٰ کے غصے کا سامنا کیا ہے، میرا یہ تجربہ کچھ زیادہ اچھا نہیں رہا۔ جسٹس فائز عیسیٰ ریچھ ہیں۔
اس موقع پر کمرہ عدالت میں قہقہے لگے جبکہ چیف جسٹس قاضی فائزعیسیٰ نامزد چیف جسٹس یحییٰ آفریدی کے خطاب پرمسکراتے رہے۔
سپریم کورٹ کے نامزد چیف جسٹس یحییٰ آفریدی نے چیف جسٹس قاضی فائزعیسیٰ کے اعزازمیں الوداعی ریفرنس سے خطاب کرتے ہوئے کہا کہ چیف جسٹس قاضی فائز عیسیٰ کی ریٹائرمنٹ پر دل اُداس ہے تو دوسری طرف خوشی بھی ہے کہ قاضی فائز عیسیٰ اچھی صحت کے ساتھ ریٹائرڈ ہو رہے ہیں۔
