• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بشریٰ بی بی کی رہائی، حکومت کیساتھ کوئی ڈیل نہیں ہوئی، رانا ثناء

آج کا اخبار
اہم خبریں
01 نومبر ، 2024
کراچی (ٹی وی رپورٹ)جیو کے پروگرام ’’آج شاہزیب خانزادہ کے ساتھ‘‘میں گفتگو کرتے ہوئے رہنما ن لیگ رانا ثنا اللہ کا کہنا تھا کہ بشریٰ بی بی کی رہائی کے حوالے سے میں حکومت کی حد تک یقین سے کہہ سکتا ہوں کہ حکومت کے ساتھ ان کی کوئی ڈیل نہیں ہوئی اور عدالت کے ساتھ ڈیل ہونے کا کوئی امکان نہیں ہے،اگر ایک آدھ مہینے میں عمران خان رہا ہونے والے ہیں تو پھر یہ کفن باندھ کر احتجاج کرنے کے لئے علی امین گنڈا پور نے وڈیو کس مقصد کے لئے جاری کی ہے،سینئر صحافی اینکر پرسن عاصمہ شیرازی کا کہنا تھا کہ بشریٰ بی بی کی رہائی میں اسٹیبلشمنٹ کی طرف سے کوئی مداخلت نہیں ہوئی دوبارہ گرفتار بھی نہیں کیا گیا تو اسے میں اعتماد کی بحالی کے اعتبار سے تعبیر کروں گی،سینئر صحافی اورتجزیہ کار عمر چیمہ کا کہنا تھا کہ عمران خان کے حوالے سے پالیسی میں تبدیلی آئی ہے لیکن تبدیلی اتنی بڑی نہیں کہ آپ کوئی ہائپ بنانے لگ جائیں پی ٹی آئی اس وقت ایک بڑے چیلنج میں ہے او راس کا سب سے بڑا چیلنج یہ ہے کہ وہ اپنے لوگوں کا مورال کس طرح سے بلند رکھتی ہے اور ان کو جذباتی موڈ میں کس طرح رکھتی ہے ۔ وہ خود سے اسٹیبلشمنٹ کے ساتھ چھپن چھپائی کھیلنا چاہ رہے ہیں ۔ رہنما ن لیگ رانا ثنا اللہ کا کہنا تھا کہ بشریٰ بی بی کی رہائی کے حوالے سے ڈیل کا جو تاثر ہے اس میں اگر کسی کے پاس کوئی Specific انفارمیشن ہو تو اس کو تو میں رد نہیں کرسکتا تاہم جو قید کا معاملہ ہوتا ہے اس میں جو طریقہ کار ہوتا ہے اس میں بھی ایک عرصہ ہوتا ہے اور پھر ضمانت مل جاتی ہے ۔
اہم خبریں سے مزید