• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک بحریہ کا جنگی بحری جہاز سے بیلسٹک میزائل کا کامیاب تجربہ

آج کا اخبار
اہم خبریں
05 نومبر ، 2024
کراچی ( اسٹاف رپورٹر) پاک بحریہ نے مقامی طور پر تیار کیے گئے بیلسٹک میزائل کا کامیاب تجربہ کیا۔ 350کلومیٹر رینج والا میزائل سسٹم زمینی اور سمندری اہداف کو انتہائی درستگی کے ساتھ نشانہ بنانے کی صلاحیت رکھتا ہے۔ یہ نظام جدید ترین نیویگیشن سسٹم کے ساتھ ساتھ اپنی سمت اور رفتار کو تبدیل کرنے کی خصوصیات سے لیس ہے۔ فلائٹ ٹیسٹ کا چیف آف دی نیول اسٹاف ایڈمرل نوید اشرف، پاک بحریہ کے سینئر افسران ، سائنسدانوں اور انجینئرز نے مشاہدہ کیا۔اس عظیم الشان موقع پر صدر پاکستان، وزیراعظم، چیئرمین جوائنٹ چیفس آف اسٹاف کمیٹی اور سروسز چیفس نے شاندار کامیابی سے میزائل فائرنگ میں حصہ لینے والے یونٹس اور سائنسدانوں کو مبارکباد پیش کی۔
اہم خبریں سے مزید