فرمان الہی
نماز کے اوقات
گریٹر مانچسٹر/ بولٹن (نمائندہ جنگ) مانچسٹر یونیورسٹی میں توڑ پھوڑ کی گئی جبکہ ایک ماہر تعلیم کا مجسمہ بھی چرا لیا گیا۔ تفصیلات کے مطابق مانچسٹر یونیورسٹی کی کیمسٹری بلڈنگ میں گزشتہ جمعہ کے روز گھسنے والوں نے ایک ڈسپلے کیبنٹ کی کھڑکی توڑ دی اور مانچسٹر یونیورسٹی کے سابق ماہر تعلیم چیم ویزمین کا ایک مجسمہ چرا لیا، جو بعد میں اسرائیل کے پہلے صدر بنے تھے۔ یہ ملک بھر میں ہونے والے متعدد واقعات میں سے ایک تھا۔ یونیورسٹی نے پولیس کو مطلع کر دیا ہے اور پولیس واقعہ سے متعلق تحقیقات کر رہی ہے۔ ایک سال سے زیادہ عرصے کے دوران یونیورسٹی نے کیمپس میں پرامن احتجاج اور زبردست خیالات کا تبادلہ دیکھا گیا ہے۔ یونیورسٹی ایک یونیورسٹی کے طور پر اپنے بنیادی کردار کے حصے کے طور پر اس کا خیرمقدم کرتی ہے ایک ایسی جگہ جو اکثر مشکل خیالات اور عقائد کی بحث کے لیے وقف ہوتی ہے۔ یونیورسٹی کا کہنا ہے کہ ہم باقاعدگی سے بہت سے ایسے پروگراموں کی میزبانی کرتے ہیں جن میں مشرق وسطیٰ میں موجودہ تنازع کے تمام فریقوں پر تبادلہ خیال کیا جاتا ہے، جس میں وہٹ ورتھ ہال میں گزشتہ ہفتے ہونے والی بحث بھی شامل ہے۔ اگرچہ ایونٹ کو روکنے کی کوششیں کی گئیں لیکن یہ مکمل طور پر آگے بڑھا۔ تنازع پر مختلف نقطہ نظر کو نشر کیا گیا اور بحث کی گئی جیسا کہ ہونا چاہئے۔ ہم جانتے ہیں کہ یہ مسائل ہماری یونیورسٹی کمیونٹی کیلئے بہت تشویشناک ہیں، خاص طور پر وہ لوگ جو دوست، خاندان یا خطے سے قریبی تعلقات رکھتے ہیں اور ہم ان تمام لوگوں کیلئے اپنی ہمدردی کا اظہار کرتے ہیں جو بڑھتے ہوئے تنازعے میں پھنسے ہوئے ہیں اور ساتھ ہی ساتھ امن کی امید بھی رکھتے ہیں۔ ہم اپنے عملے، طلباء اور مقامی کمیونٹی سے باقاعدگی سے بات کر رہے ہیں تاکہ یہ یقینی بنایا جا سکے کہ ہم ان کے تحفظات کو سن رہے ہیں اور باہمی افہام و تفہیم کیلئے حالات پیدا کر رہے ہیں۔ ہمارے لئے تمام طلباء کی حفاظت اور بہبود سب سے اہم ہے۔ ایک آزاد معاشرے میں بہت ضروری ہے کہ وہ قانون کے اندر رہتے ہوئے اور ہمیشہ باہمی افہام و تفہیم کے حصول کے مقصد کیساتھ ہوں، نہ کہ توہین یا نفرت کے ساتھ ہوں۔ یونیورسٹی نے کہا ہے کہ اگر آپ ہمارے عملے اور طلبہ کی کمیونٹی میں سے ہیں جو ان واقعات یا وسیع تر تنازعات سے متاثر ہوئے ہیں، تو ہمارے پاس آپ کیلئے وسیع معاون خدمات موجود ہیں۔ سپورٹ سروسز یونیورسٹی ایک مفت اور خفیہ24 گھنٹے سپورٹ سروس، ہیلتھ ہیرو پیش کرتی ہے۔ ہم مشاورت اور دماغی صحت کی معاونت بھی پیش کرتے ہیں۔ ملٹی فیتھ چیپلینسی ہمارے کسی بھی ساتھی یا طالب علم کمیونٹی کو تعاون کی پیشکش کرسکتی ہے۔ طالب علموں کیلئے وقف معاونت کیلئے ہمارا اسٹوڈنٹ سپورٹ ویب پیج دیکھیں اور ہماری مفت SafeZone ایپ ڈاؤن لوڈ کریں جو آپ کو فوری اور احتیاط سے مدد کیلئے کال کرنے اور اگر آپ غیر محفوظ محسوس کرتے ہیں اپنے GPS مقام کا اشتراک کرنے کی اجازت دیتی ہے۔ یونیورسٹی کا کہنا ہے کہ نسل پرستی، اسلامو فوبیا، امتیازی سلوک اور بدسلوکی کی ہماری کمیونٹی میں کوئی جگہ نہیں ہے۔ اگر آپ یا آپ کے کسی جاننے والے نے کسی بھی قسم کی نفرت کا تجربہ کیا ہے یا اس کا مشاہدہ کیا ہے تو آپ اس کی اطلاع یونیورسٹی کی رپورٹ اور سپورٹ ٹیم کو دے سکتے ہیں جہاں تربیت یافتہ مشیر مدد فراہم کرنے کیلئے تیار ہیں۔
