• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیلی وزیراعظم نیتن یاہو کے دفتر سے حساس معلومات لیک

آج کا اخبار
یورپ سے
06 نومبر ، 2024
تل ابیب( نیوز ڈیسک)اسرائیلی وزیراعظم نیتن یاہو کے دفتر سے حساس معلومات لیک ہونے کے کیس میں اسرائیلی فوج کے افسر سمیت 5افراد کو گرفتار کرلیا گیا ہے۔میڈیا رپورٹ کے مطابق اسرائیلی وزیر اعظم بن یامین نیتن یاہو کے دفتر سے حساس معلومات کے افشاء ہونے کے معاملے میں اسرائیلی فوج کے ایک افسر کو گرفتار کر لیا گیا جس کے بعد گرفتار ہونے والوں کی تعداد 5ہوگئی ہے۔خیال رہے کہ گزشتہ دنوں اسرائیلی وزیراعظم کے دفتر سے حساس معلومات لیک ہونے پر حکومت نے اس کیس کی تفصیلات میڈیا میں لانے پر پابندی عائد کردی تھی، تاہم عدالت میں معاملہ جانے کے بعد تحقیقات کو منظر عام پر لانے کا فیصلہ کیا گیا۔اسرائیلی عدالت نے وزیراعظم کے دفتر سے حساس معلومات لیک ہونے کی تحقیقات پر عائد پابندی کو جزوی طور پر ہٹانے کے بعد نیتن یاہو کے مشیر فیلڈ اسٹین کا نام اور دیگر تفصیلات منظر عام پر لانے کی اجازت دی تھی۔عدالت کی جانب سے جاری کی گئی تفصیلات میں بتایا گیا کہ اسرائیلی وزیراعظم کے مشیر نے قومی سلامتی سے متعلق حساس معلومات یورپی میڈیا کو فراہم کی تھیں۔تفصیلات کے مطابق اسرائیلی سیکورٹی ادارے شِن بیٹ اور اسرائیلی فوج کو شبہ ہے کہ خفیہ معلومات غیر قانونی طور پر نکالی گئی تھیں، جس سے ملک کی سلامتی کو خطرہ لاحق ہوا۔ اس معاملے میں مزید 3افراد بھی زیر تفتیش ہیں، جن کے نام عدالت کی طرف سے اب تک پوشیدہ رکھے گئے ہیں لیکن ان کا تعلق اسرائیلی دفاعی اداروں سے بتایا گیا ہے۔
یورپ سے سے مزید