فرمان الہی
نماز کے اوقات
کراچی( اسٹاف رپورٹر) جامعہ کراچی کے وائس چانسلر ڈاکٹر خالد عراقی سے انجمن اساتذہ جامعہ کراچی کے نومنتخب صدر محسن علی اور سابق صدر شاہ علی القدر سے ملاقات کی۔ اس موقع پر وائس چانسلر ڈاکٹر خالد عراقی نے نومنتخب صدر، سکریٹری اور دیگر منتخب عہدیداران کو مبارکباد پیش کی اور نیک خواہشات کا اظہارکیا۔ وائس چانسلر نے کہا کہ اساتذہ لگن اور زمہ داری سے تدریسی اور تحقیقی امور انجام دینے کے ساتھ ساتھ جامعہ کراچی کی ترقی میں اپنا کردار ادا کریں۔ واضح رہے کہ انجمن اساتذہ جامعہ کراچی کے انتخابات میں محسن علی303 ووٹ لے کر صدر منتخب ہوئے جبکہ ان کے مقابلے میںصالحہ رحمن نے 205ووٹ حاصل کئے۔ سیکریٹری کے لئے سخت مقابلہ ہوا معروف بن رؤف 258ووٹ لے کر منتخب ہوئے جبکہ ان کے مقابلے میں فرخ رفیق احمدنے 254ووٹ حاصل کئے۔
