• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سفیر پاکستان کی سلیکون ویلی میں یو ایس پاکستان ٹیک تعاون کی بھرپور وکالت

آج کا اخبار
اہم خبریں
11 نومبر ، 2024
اسلام آباد( رپورٹ حنیف خالد )امریکہ میںپاکستانی سفیر رضوان سعید شیخ نے سلیکون ویلی میں دن بھر متعدد ملاقاتیں کیں جن کا مقصد پاکستان کے بڑھتے ہوئے آئی ٹی سیکٹر میں تجارت اور سرمایہ کاری کا فروغ تھا۔ لاس اینجلس میںپاکستان کے قونصل جنرل بھی سفیر پاکستان کے ہمراہ تھے۔ ان ملاقاتوں میں تکنیکی جدت اور بین الاقوامی تعاون کے فروغ کے لیے حکومت کے عزم کو اجاگر کیا گیا۔آرگنائزیشن آف پاکستانی انٹرپرینیورز (اوپن) سلیکون ویلی کے سالانہ فورم میں سفیر پاکستان نے پاکستان کے آئی ٹی سیکٹر کی شرح نمو کے اہداف کا خاکہ پیش کیا جس کا مقصد آئی ٹی اور آئی ٹی سے چلنے والی خدمات (آئی ٹی ای ایس) کی برآمدات کو 2029 تک 15بلین ڈالر اور 2030تک 30بلین ڈالر تک بڑھانا ہے انہوں نے ملک میں موجود فری لانسرز پر روشنی ڈالی جو پاکستان کو فری لانس خدمات فراہم کرنے والے سرفہرست عالمی ممالک میں شامل کرتے ہیں۔ انہوں نے حالیہ پالیسی اصلاحات کو اجاگر کیا۔ یہ ریفارمز اس شعبے کی بین الاقوامی مسابقت کو بڑھانے اور عالمی توسیع کے فروغ کے لیے عمل میں لائی گئی ہیں۔ انہوں نے کہا کہ آئی ٹی کا شعبہ بہت جلد نتائج دینے والے شعبوں میں شامل ہے جو کم خرچ ہے اور اس کے مستقبل کے روشن امکانات ہیں۔اوپن فورم سے خطاب کرنے کے علاوہ سفیر پاکستان نے پاکستان کے آئی ٹی اور ٹیک ایکو سسٹم میں سرگرم کارپوریٹ لیڈروں، کاروباری افراد اور سرمایہ کاروں کے ساتھ تفصیلی بات چیت کی۔ انہوں نے ٹیکس مراعات، ریگولیٹری اصلاحات اور بہتر انفراسٹرکچر کے ذریعے کاروبار کے لیے سازگار ماحول فراہم کرنے کی حکومت کی کوششوں پر روشنی ڈالی۔
اہم خبریں سے مزید