• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آرٹس کونسل ثقافتوں کو جوڑنے کا کام کر رہا ہے، فرانسیسی سفیر

آج کا اخبار
اہم خبریں
18 نومبر ، 2025
کراچی(مطلوب حسین /اختر علی اختر) پاکستان میں تعینات فرانس کے سفیر H.E.Mr. Nicolas Galey نے کہاہےکہ آرٹس کونسل کراچی دنیا بھر کی ثقافتوں کو جوڑنے کا کام کر رہا ہے۔ ورلڈ کلچرل فیسٹیول میں فرانسیسی میورل آرٹسٹ شیفومی آرٹس کونسل کی دیوار کو ثقافت کے خوبصورت رنگوں میں ڈھال رہے ہیں، یہ میورل پاکستان اور فرانس کی دوستی اور ثقافتی ہم آہنگی کا مظہر اور باعث فخر بات ہے۔ان خیالات کا اظہار انہوں نے ورلڈ کلچرل فیسٹیول کے سلسلہ میں اپنی اہلیہ Camelia Galeyکے ہمراہ آرٹس کونسل آف پاکستان کراچی کا دورہ کرتے ہوئے کیا۔اس موقع پر ان کے ہمراہ فرانسیسی قونصل جنرل H.E. Alexis Chahtahtinsky، الائنس فرانسزکراچی کے ڈائریکٹرEmmanuel Bruerec، الحمرا آرٹس کونسل کے چیئرمین رضی احمدبھی ان کے ہمراہ تھے،اس موقع پر ورلڈ کلچرل فیسٹیول کے حوالے سے تفصیلی گفتگو بھی ہوئی۔صدر آرٹس کونسل محمد احمد شاہ نے فرانسیسی سفیر کا خیرمقدم کرتے ہوئے انہیں آرٹس کونسل کراچی کے مختلف حصوں کا دورہ کرایا جہاں ثقافتی سرگرمیاں عروج پر تھیں۔کراچی کا یہ ثقافتی میل جول دنیا بھر کی ثقافتوں کو قریب لانے میں پل کا کردار ادا کر رہا ہے۔ آرٹس کونسل کی جانب سے ایسے ایونٹس کے انعقاد کو انہوں نے نہایت خوش آئند قرار دیا۔ انہوں نے مزید کہاکہ فیسٹیول میں ملکی و بین الاقوامی فنکاروں کی بڑی تعداد شرکت کر رہی ہے اور یہ پاکستان کی ثقافتی شناخت کو عالمی سطح پر اجاگر کرنے کا اہم ذریعہ بن رہا ہے۔
اہم خبریں سے مزید