• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلدیاتی الیکشن میں پی پی کی فتح عوام کی حمایت کا مظہر، بلاول

آج کا اخبار
اہم خبریں
16 نومبر ، 2024
کراچی ( اسٹاف رپورٹر)پاکستان پیپلز پارٹی کے چیئرمین بلاول بھٹو زرداری نے بلدیاتی اداروں کے ضمنی انتخابات میں کراچی سمیت سندھ بھر میں اپنی جماعت کی کامیابی پر تشکر کا اظہار کرتے ہوئے اسے پارٹی پر عوام کے بھرپور اعتماد و حمایت کا مظہر اور جیالوں کی محنتوں کا ثمر قرار دیا ہے۔ انہوں نے کہا کہ کراچی میں پاکستان پیپلز پارٹی کے امیدواروں کا بڑے مارجن سے جیت کر سوئیپ کرنابھی تاریخی پیشرفت ہے،بلاول ہاوس سے جاری بیان کے مطابق، پی پی پی چیئرمین نے ضمنی بلدیاتی انتخابات میں کامیاب ہونے والے تمام پارٹی امیدواروں کو مبارکباد دی اور ان کارکنان کو خراج تحسین پیش کیا، جنہوں نے دن رات محنت کرکے الیکشن کو فتح میں ڈھالا۔ انہوں نے کہا کہ کراچی سمیت سندھ بھر میں ایک بار پھر تیر چل گیا، اور شہید محترمہ بینظیر بھٹو کے جیالے جیت گئے ہیں۔ انہوں نے مزید کہا کہ ضمنی بلدیاتی انتخابات کے نتائج سے عیاں ہے کہ عوام نے ایک بار پھر نفرت اور تقسیم کی سیاست کو مسترد کرکے بلاامتیاز عوامی خدمت کو چنا ہے۔ انہوں نے کہا کہ کراچی میں پاکستان پیپلز پارٹی کے امیدواروں کا بڑے مارجن سے جیت کر سوئیپ کرنابھی تاریخی پیشرف ہے۔ چیئرمین بلاول بھٹو زرداری نے پاری کینومنتخب بلدیاتی نمائندوں سے مخاطب ہوتے ہوئے کہا کہ مجھے یقین ہے کہ آپ عوام کے اعتماد پر پورا اتریں گے۔ الیکشن میں کامیابی آپ کے کندھوں پر بھاری ذمہ داریاں اور امتحان لائی ہے۔ آپ کو محدود وسائل اور زیادہ مسائل کی صورتحال کا سامنا ہوگا، لیکن اس کا حل پارٹی ویژن کا نفاذ اور آپ کی محنت ہے۔
اہم خبریں سے مزید