• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈسکوز دسمبر کے بلوں میں صارفین کو 1.02 روپے فی یونٹ واپس کرینگی

آج کا اخبار
اہم خبریں
16 نومبر ، 2024
اسلام آباد (اسرار خان) ڈسکوز دسمبر کے بلوں میں صارفین کو 1.02روپے فی یونٹ واپس کرینگی، 18ماہ اضافے کے بعد مسلسل چوتھی FCA کٹوتی، ایندھن اخراجات میں تغیرات پر ایڈجسٹمنٹ۔ تفصیلات کے مطابق سابق واپڈا ڈسٹری بیوشن کمپنیوں نے اکتوبر کے پچھلے مہینے میں لگائے گئے زیادہ چارجز کے بعد بجلی کے صارفین کو دسمبر 2024 کے بلوں میں 1.0159روپے فی یونٹ کی واپسی کی تجویز دی ہے۔ ان کمپنیوں کی جانب سے کام کرنے والی سینٹرل پاور پرچیزنگ ایجنسی (سی پی پی اے) نے اکتوبر کے لیے ماہانہ فیول پرائس ایڈجسٹمنٹ (ایف سی اے) کو حتمی شکل دینے کے لیے نیشنل الیکٹرک پاور ریگولیٹری اتھارٹی (نیپرا) کو ایک درخواست جمع کرائی ہے۔ نیپرا نے 26 نومبر کو اس بات کا جائزہ لینے کے لیے عوامی سماعت کا شیڈول بنایا ہے کہ آیا درخواست کردہ فیول چارجز میں تبدیلی جائز ہے، اور کیا کمپنیوں نے اپنے پلانٹس اور نجی سپلائرز سے بجلی کی ترسیل میں اقتصادی میرٹ آرڈر (ای ایم او) کی پابندی کی ہے۔ اگر منظور ہو جائے تو رقم کی واپسی کا اطلاق تمام زمروں پر ہوگا سوائے لائف لائن صارفین، 300 یونٹس تک استعمال کرنے والے گھریلو صارفین، الیکٹرک گاڑیوں کے چارجنگ اسٹیشن، تمام زمروں کے پری پیڈ بجلی کے صارفین اور زرعی صارفین کے۔ یہ 18 ماہ کے مسلسل اضافے کے بعد ایف سی اے میں مسلسل چوتھے مہینے کی کمی کو نشان زد کرے گا۔
اہم خبریں سے مزید