• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہری گاڑی، 22 موٹر سائیکلوں سے محروم، گن پوائنٹ پر سٹریٹ کرائم بھی جاری

میرا شہر
اسلام آباد
17 نومبر ، 2024
راولپنڈی (سٹاف رپورٹر)راولپنڈی کے مختلف علاقوں میں سرقہ باالجبر ،چوری ،قفل شکنی اور راہ زنی کی 54وارداتوں میں شہری ایک گاڑی 16موٹر سائیکلوں ،طلائی زیورات ،موبائل فونز اور نقدی وغیرہ سے محروم ہوگئے ۔اسلام آباد کے مختلف علاقوں میں بھی شہری 6موٹرسائیکلوں ،طلائی زیورات ،موبائل فونز اور نقدی وغیرہ سے ہاتھ دھو بیٹھے۔تھانہ کھنہ اور تھانہ کرپا کے علاقوں میں گن پوائنٹ پر شہریوں سے ان کے موٹرسائیکل چھین لئے گئے۔تھانہ آبپارہ ،تھانہ سنبل ،تھانہ کھنہ اور تھانہ شہزاد ٹاؤن کے علاقوں سے موٹرسائیکل چوری کرلئے گئے ۔راہ زنی کی وارداتوں تھانہ کوہسار اورتھانہ کراچی کمپنی کے علاقوں میں اور رابری کی وارداتیں تھانہ آبپارہ ،تھانہ گولڑہ ،تھانہ انڈسٹریل ایریا اور کورال کے علاقوں میں ہوئیں۔ تھانہ صادق آباد کے علاقہ نیو شکریال میں 2نامعلوم ملزمان طیب حسن سے اسلحہ کی نوک پر موبائل اور 45ہزار روپے ، فاروق اعظم روڈ پر2نامعلوم ملزمان فیض الحسن سے موبائل اور 35ہزارروپے ،صادق آباد میں 3نامعلوم ملزمان نزاکت علی 10ہزار روپے،تھانہ کینٹ کے علاقہ حیدر روڈ پر2نامعلوم لڑکے دائم شہزاد سے موبائل اور25 ہزار روپے،تھانہ نصیرآبادکے علاقہ نصیرآباد میں3موٹرسائیکل سوار اسلحہ کی نوک پر نوید انجم سے10ہزار روپے اور 4موبائل ،تھانہ نصیرآباد کے علاقہ رزاق ٹاؤن میں3موٹرسائیکل سوار ماجد علی سے 5ہزار تین سوروپے ،میٹرو سٹیشن صدر سے تین لڑکوں کو 22نمبر کیلئےشاہ زیم نےاپنے موٹرسائیکل پر بٹھایا تھانہ آراے بازار کے علاقہ22نمبر چوک کے قریب پہنچ کر انمیں سے ایک لڑکے نے پسٹل نکال لیا،ملزمان اس کاموٹرسائیکل،تھانہ ائرپورٹ کے علاقہ افضل ٹاؤن میں 2موٹرسائیکل سوار محمد جنید سے 25 ہزارروپے ،تھانہ ائرپورٹ کے علاقہ کھوکھر روڈ پر نامعلوم ملزمساجد حسین کے گھر سے 2موبائل اورایک لیپ ٹاپ ،تھانہ چکری کے علاقہ ملوکال میں ایک نامعلوم ملزم ظہیر عباس سے 8 ہزار روپے اورایک موبائل چھین کرلے گیا۔ وارداتیں اسلحہ کی نوک پر ہوئیں۔ شکریال میں غلام رسول کے مکان سے موٹر مالیتی 8ہزار روپے ،صادق آباد میں شاہد رفیق کے گھر سے لیپ ٹاپ،فاروق اعظم روڈ پر ہاسٹل کے کمرے سے محمد آصف کا موبائل اورلیپ ٹاپ،آدم جی روڈ صدر میں سید عزادار حسین شاہ بخاری کی گاڑی سے ایک لاکھ روپے اور جیولری،سادہ گاؤں چاکرہ میں زبیر احمد کے گھر سے تالے توڑ کر 40ہزارروپے ، سونا مالیتی 3لاکھ روپے اورکپڑے مالیتی 40ہزار روپے،کیانی روڈ پر محمد ذیشان خالد کےانٹرنیٹ آفس کے شٹر کا کنڈاتوڑ کر یوپی ایس اوربیٹری،ڈھوک چودھریاں میں ریشم خان کے گھر سے 3موبائل اور 40 ہزار روپے،موہڑہ چھپر میں نعمان شفیق کے گھرسے ایک نامعلوم عورتدو طلائی کڑے اور ایک موبائل چوری کرکے لے گئی ۔
اسلام آباد سے مزید