فرمان الہی
نماز کے اوقات
کراچی( اسٹاف رپورٹر )شہر میں مختلف حادثات میں 4 افراد جاں بحق ہو گئے، 2افرادکی لاشیں ملیں تفصیلات کے مطابق بلدیہ نمبر دومزار کے قریب نامعلوم گاڑی کی ٹکر سے موٹرسائیکل سوار 65سالہ فقیر بہادر جاں بحق ہو گیا، ملیر ڈسٹرکٹ جیل کے قریب نامعلوم گاڑی کی ٹکرسے 25 سالہ شخص جاں بحق اور 65سالہ ولسن زخمی ہوگیا ،متوفی کی فوری طور پر شناخت نہیں ہو سکی ، کلفٹن میں قائم بوٹ بیسن سگنل کے قریب زیر تعمیر عمارت میں کام کے دوران پاؤں سلپ ہونے سے گر کر 45سالہ شاہنواز ولد اسماعیل جاں بحق ہوگیا،ہاکس بے سنہرا پوائنٹ پر سمندر میں ڈوب کر 22سالہ عمیر جاں بخق ہوگیا، متوفی سرجانی ٹائون کا رہائشی ، مچھلیاں پکڑ کر فروخت کرتا تھا، وہ سمندر کے کنارے پیدل جا کر جال ڈال رہا تھا کہ اس دوران وہ دلدل میں پھنس گیا،اس کے ایک ساتھی اس کو دیگر افراد نے بچالیا ،علاوہ ازیں اورنگی ٹاون کے علاقے خیر آباد مدینہ کالونی میں گھرسے تعفن اٹھنے پر پولیس نے موقع پر پہنچ کر 35سالہ نامعلوم شخص کی لاش نکال کر عباسی شہید اسپتال پہنچائی ،متوفی کی فوری شناخت اوروجہ موت کا تعین نہیں ہوسکا، گڈاپ سٹی کے علاقے پمپ کے قریب سے 55سالہ نامعلوم شخص کی لاش ملی ،پولیس کے مطابق ڈاکٹروں نے بتایا کہ متوفی نشے کا عادی تھا ،نشے کی زیادتی کے باعث ہلاک ہوا ہے، فوری شناخت نہیں ہوسکی۔
