• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمرے کی آڑ میں گداگری کے لئے جانے والے 10 مسافر گرفتار

آج کا اخبار
اہم خبریں
24 نومبر ، 2024
کراچی( اسٹاف رپورٹر )ایف آئی اے امیگریشن نے عمرے کی آڑ میں گداگری کے لیے جانے والے 10مسافروں کو گرفتار کر لیا گیا۔گرفتار ملزمان میں7خواتین اور ایجنٹ بھی شامل ہے۔ گرفتار ملزمان میں محمد نواز، رحمت اللہ، نظام الدین، صغرا خاتون، ہاضرہ خاتون، امام زادی، ماروی خاتون، مائی امیراں، زرینہ اور مائی خانل شامل ہیں حکام کے مطابق ملزمان کو کراچی ائیرپورٹ سے گرفتار کیا گیا۔ملزمان فلائٹ نمبر G9549کے ذریعے عمرے ویزے پر سعودی عرب جا رہے تھے۔ملزمان کا تعلق رحیم یار خان، ٹنڈواللہ یار اور سکھر سے ہے۔حکام نے بتایا کہ گرفتار ملزم محمد نواز نے خود کو دیگر ملزمان کا رشتہ دار ظاہر کیا جبکہ دوران تفتیش دیگر ملزمان نے انکشاف کیا کہ ملزم محمد نواز ایجنٹ ہے۔ملزم محمد نواز نے تمام مسافروں کی سفری دستاویزات کا بندوبست کیا۔ابتدائی تفتیش کے مطابق ملزمان سعودی عرب گداگری کے غرض سے جا رہے تھے۔حکام کے مطابق گرفتار ملزمان عمرہ ادا کرنے کی بنیادی طریقہ کار سے مکمل طور پر ناواقف تھے۔ملزمان رہائش اور ہوٹل بکنگ کے حوالے سے کسی قسم کی دستاویزات دینے میں ناکام رہے جبکہ ملزمان کے پاس سفری اخراجات کے لئے کسی قسم کی رقم بھی نہیں تھی۔ملزمان کو مزید قانونی کاروائی کے لیے انسداد انسانی اسمگلنگ سرکل منتقل کر دیا گیا ہے اور ان سے مزید تفتیش جاری ہے۔
اہم خبریں سے مزید