فرمان الہی
نماز کے اوقات
راولپنڈی(نیوز ایجنسیاں)آرمی چیف جنرل عاصم منیر نے کہا ہے کہ پاکستان اور چین کے تعلقات باہمی اعتماد اور تعاون پر مبنی ہیں۔پاک فوج کے شعبہ تعلقات عامہ(آئی ایس پی آر) کے مطابق چین کے سینٹرل ملٹری کمیشن کے وائس چیئرمین جنرل ژانگ یوشیا نے اعلی سطح کے وفد کے ہمراہ جنرل ہیڈ کوارٹرز(جی ایچ کیو) کا دورہ کیا، جنرل زونگ نے پہلے آرمی چیف جنرل عاصم منیر سے ون آن ون ملاقات کی۔ بعد ازاں وفود کی سطح کے مذاکرات ہوئی۔ مذاکرات میں باہمی دلچسپی کے امور، علاقائی سلامتی، دوطرفہ دفاعی تعاون کو بڑھانے پر تبادلہ خیال ہوا جبکہ جنرل عاصم منیر نے باہمی اعتماد اور تعاون کو مزید فروغ دینے پر زور دیا، آرمی چیف نے پاک چین دوستی کا ذکر بھی کیا۔اس موقع پر آرمی چیف نے پاک چین تعلقات کی پائیداری کو اجاگر کرتے ہوئے کہا کہ پاک چین تاریخی شراکت داری مزید بڑھانے کیلئے تیار ہیں، تمام حالات میں پاکستان کیساتھ کھڑے ہونے پر چینی قیادت کا شکریہ ادا کرتے ہیں۔
