• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیرس: گمشدہ کتے کی تلاش، چارلس ڈیگال ائرپورٹ کے رن ویز بند

آج کا اخبار
یورپ سے
29 نومبر ، 2024
پیرس( نیوز ڈیسک)پیرس کے مصروف ترین ائر پورٹ پر کتے کے گم ہونے کی وجہ سے فلائٹ آپریشن متاثر ہوگیا۔غیر ملکی میڈیا کے مطابق پیرس کے چارلس ڈی گال ائر پورٹ کے 2رن ویز گمشدہ پالتو کتے کی تلاش کیلئے بند کردیئے گئے۔رپورٹس میں بتایا گیا ہے کہ پالتو کتے ’’املکا‘‘ اور اس کی مالکن ڈیلاس جانے کیلئے ائر فرانس کی پرواز سے پیرس پہنچے تھے، ان لوڈنگ کے دوران پالتو کتا املکا اپنے پنجرے سے فرار ہوگیا جس کی تلاش کیلئے ائر پورٹ پر اعلانات بھی کیے گئے۔رپورٹس کے مطابق کتے کی تلاش کیلئے 2 رن ویز کو بھی بند کردیا گیا ہے اور ڈرون کی مدد بھی لی جارہی ہے۔اس حوالے سے ائر فرانس کا کہنا ہےکہ پالتو کتے کو کئی بار دیکھا گیا اور اس تک رسائی حاصل کرنے کی بھی کوشش کی گئی تاہم اب تک اسے پکڑا نہیں جاسکا ہے۔
یورپ سے سے مزید