• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

62 ملکوں کا کومبنگ آپریشن، آبدوزوں سے تاریخ کی سب بڑی منشیات پکڑی گئی

آج کا اخبار
یورپ سے
30 نومبر ، 2024
بگوٹا نیوز ڈیسک)کولمبیا کی قیادت میں 62 ممالک کے 2ہفتوں پر مشتمل منشیات فروشوں کے خلاف کومبنگ آپریشن میں اب تک کی سب سے بڑی کھیپ پکڑی گئی۔عالمی خبر رساں ادارے کے مطابق کولمیبیا بحریہ کی انسداد منشیات ادارے کے ڈائریکٹر کیپٹن مینوئل روڈریگوئز نے بتایا کہ اس منشیات کو 6 نیم آبدوزوں میں چھپایا گیا تھا۔یہ آبدوزیں بالکل نئے راستے کے ذریعے منشیات کی اتنی کھیپ کو لے کر جارہی تھیں۔ اس آپریشن کی سب سے بڑی کامیابی اس نئے روٹ کو ڈھونڈ نکالنا ہے۔کوکین کی آسٹریلیا اسمگلنگ کرنے کیلئے پیسیفک اوشن میں جنوب مغربی کلیپیٹرن جزیرے کا روٹ استعمال کیا جارہا تھا۔یہ آبدوزیں آدھی پانی کے اندر اور آدھی باہر ہوتی ہیں۔ انھیں کھلے سمندر میں پکڑنا تقریباً ناممکن ہوتا ہے لیکن 62 ممالک کے تعاون سے یہ مہم سر کرلی گئی۔ آبدوزوں سے پکڑی گئی 1400 میٹرک ٹن منشیات کی کھیپ میں 225 ٹن کوکین اور 1000 ٹن گانجھا شامل ہے۔ اس سے قبل اتنی بڑی مقدار میں منشیات نہیں پکڑی گئی۔کولمبیا بحریہ کی انسداد منشیات ادارے کے ڈائریکٹر نے کہا کہ اتنی بڑی تعداد میں کھیپ پکڑے جانے سے منشیات فروشوں کا ساڑھے 8 ارب ڈالر کا نقصان ہوا۔انھوں نے مزید کہا کہ اتنی بڑی مقدار کے پکڑے جانے سے لاکھوں انسانوں کی جانوں کو بچالیا گیا۔ آپریشن کے دوران 400 سے زائد ہرکاروں کو بھی حراست میں لیا گیا جو غیر قانونی اسلحہ اور انسانی اسمگلنگ میں ملوث تھے۔یاد رہے کہ اقوام متحدہ کا کہنا تھا کہ دنیا میں سالانہ 2700 ٹن کوکین تیار کی جاتی ہے۔صرف کولمبیا میں سالانہ پکڑی جانے والی کوکین کی مقدار 670 ٹن بنتی ہے۔
یورپ سے سے مزید