کراچی ( اسٹاف رپورٹر )نیپئر کے علاقے میں گذشتہ شب موٹر سائیکل سوار ملزمان کی فائرنگ سے خاتون سمیت 2افراد کے قتل کے واقعہ کا مقدمہ درج کر لیا گیا۔مقتولین کی شناخت عطا اللہ اور رہادیہ عرف ثمرین کے نام سے کی گئی ۔پولیس کے مطابق مقتولین کا آبائی تعلق باجوڑ ایجنسی سے تھا اورمقتولین نے دو سال قبل پسند کی شادی کی تھی۔ مقتولین پسند کی شادی کرنے کے بعد لاہور اور پھر کراچی منتقل ہوئے ۔مقتولین نے لیاری میں ایک نجی ہوٹل میں بھی قیام کیا ۔نجی ہوٹل میں قیام کے بعد مقتولین نے نیپیئر کے علاقے میں کرائے پر مکان بھی حاصل کیا۔ گزشتہ روز مقتولین کلفٹن سی وی کے قریب شاپنگ مال سے رکشے میں سوار ہو کر لیاری آئے تھے جہاں انہیں موٹر سائیکل سوار نامعلوم مسلح ملزمان نے گولیوں کا نشانہ بنایاگیا۔ واقعہ کا مقدمہ مقتول عطااللہ کے کزن اسفندیار کی مدعیت میں درج کیا گیا ہے۔ مقدمہ نامعلوم مسلح ملزمان کے خلاف درج کیا گیا ، پولیس کا کہنا ہے کہ واقعہ کی مزید تفتیش کی جا رہی ہے۔
فرمان الہی
نماز کے اوقات
