• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اجرک اور سندھی ٹوپی احترام، وقار اور فخر کی علامت ہیں، بلاول

آج کا اخبار
اہم خبریں
02 دسمبر ، 2024
کراچی (این این آئی) پاکستان پیپلز پارٹی کے چیئرمین بلاول بھٹو زرداری نے سندھ کے عوام سمیت تمام پاکستانیوں کو یوم ثقافتِ سندھ پر مبارکباد پیش کی ہے۔پی پی پی چیئرمین بلاول بھٹو نے یوم ثقافت سندھ پر پیغام دیتے ہوئے کہا کہ اجرک اور سندھی ٹوپی محض ثقافتی اسباب نہیں بلکہ سندھ کی شناخت اور اقدار کے مظہر ہیں، اجرک اور سندھی ٹوپی ہمارے لئے احترام، وقار اور فخر کی علامت ہیں۔انہوں نے کہا کہ سندھ صوفی بزرگوں کی سرزمین ہے، جو صدیوں سے امن، بقائے باہمی اور محبت کا روشنی کا مینار رہی ہے، سندھ کا اتحاد و بھائی چارے کا پیغام نسل در نسل دلوں کو متاثر کرتا آیا ہے۔ انہوں نے کہاکہ سندھ کی ثقافت کو محفوظ رکھنے اور فروغ دینے کی لیے مزید اقدامات کی ضرورت ہے، سندھی ثقافت پاکستان کی متنوع اور رنگین ثقافتی وراثت کا ایک لازمی حصہ ہے۔چیئرمین پی پی نے کہا کہ سندھ کے عوام آج کا دن شاہ بھٹائی، سچل اور قلندر جیسے عظیم صوفی بزرگوں کی تعلیمات کو اپنانے کے عہد کے طور پر منائیں، بھٹائی، سچل اور قلندر کے محبت، انسانیت اور امن کے پیغامات سندھ کی شناخت کی روح ہیں، پیپلز پارٹی سندھ کے ثقافتی ورثے کے تحفظ اور اس کی روایات کو جدید دور سے ہم آہنگ رکھنے کے لے پرعزم ہے۔یوم ثقافت وادیِ مہران کی بھرپورثقافتی ورثہ، شاندار روایات اور لازوال اقدار کا مظہر ہے، یوم ثقافت سندھ کے لازوال لیگیسی، ہم آہنگی، رواداری اور شمولیت کا عکاس ہے۔
اہم خبریں سے مزید