فرمان الہی
نماز کے اوقات
پاکستان شوبز انڈسٹری کی معروف اداکارہ و ماڈل روما مائیکل کا کہنا ہے کہ وہ فلم میں کبھی شاہ رخ خان کے ساتھ کام نہیں کرنا چاہتیں۔
روما مائیکل نے حال ہی میں ایک پوڈکاسٹ میں بطور مہمان شرکت جہاں اُنہوں نے مقابلۂ حسن ’مس گرینڈ انٹرنیشنل‘ میں پاکستان کی نمائندگی کرنے اور ماڈلنگ کے ساتھ ساتھ اداکاری کرنے کے تجربے کے بارے میں بات کی۔
اُنہوں نے ایک سوال کا جواب دیتے ہوئے کہا کہ شاہ رخ خان کے ساتھ کام کرنے کا موقع ملا تو میں ان کے ساتھ کام کر سکتی ہوں۔
اداکارہ نے مزید کہا کہ مگر مجھے لگتا ہے کہ شاہ رخ خان عمر میں مجھ سے بہت بڑے ہیں اس لیے میرا ان کی ہیروئن بننا شائقین کو پسند نہیں آئے گا اس لیے میں ان کے ساتھ کام نہیں کرنا چاہتی۔
اُنہوں نے شو کے میزبان کے پوچھنے پر بلاجھجھک اپنی اصل عمر بھی بتا دی۔
روما مائیکل نے کہا کہ میں ابھی 29 سال کی ہوں جبکہ شاہ رخ خان کی عمر اب 50 سال سے بھی زیادہ ہے۔
اُنہوں نے یہ بھی کہا کہ ویسے تو شاہ رخ خان کے ساتھ کام کرنا میرے لیے بہت بڑی بات ہو گی کیونکہ ان کے ساتھ کام کر کے میں فوراً پوری دنیا میں مشہور ہو جاؤں گی۔
