• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

VPN بندش پر کمپنیوں نے باہر جانیکا سوچنا شروع کر دیا تھا‘ چیئرمین پاشا

آج کا اخبار
اہم خبریں
05 دسمبر ، 2024
کراچی ( آن لائن ) چیئرمین پاکستان سافٹ ویئر ہاؤس ایسوسی ایشن ( پاشا ) سجاد مصطفیٰ نے بتایا کہ وی پی این کی بندش کے فیصلے پر کمپنیوں نے ملک سے باہر جانے کا سوچنا شروع کر دیا تھا‘ ایک گھنٹے کی انٹرنیٹ بندش سے آئی ٹی انڈسٹری کو 9لاکھ ڈالر نقصان ہوتاہے ‘قومی سلامتی کو خطرے کی صورت میں انٹرنیٹ سروس بند ہو سکتی ہے لیکن پیکا قوانین کے تحت وی پی این بند نہیں کر سکتے‘ حکومت کو آئی ٹی انڈسٹری کو ٹیکس چھوٹ دینا ہوگی ۔ ایک بیان میں سجاد مصطفیٰ نے کہا ہے کہ آئی ٹی انڈسٹری میں 1 ڈالر لگانے سے حکومت کو 49 ڈالرز ملتے ہیں، آئی ٹی انڈسٹری 30 فیصد کے حساب سے ترقی کر رہی ہے، جس کی برآمدات تین اعشاریہ 2ارب ڈالرز تک پہنچ گئی ہیں۔
اہم خبریں سے مزید