فرمان الہی
نماز کے اوقات
کراچی( اسٹاف رپورٹر )بلال کالونی پولیس نے دو روز قبل اورنگی ٹاؤن میں ڈھائی کروڑ روپے اور 22 تولہ سونے کے لالچ میں اپنی ماں کو قتل کرنے والے ملزم کو گرفتار کر لیا۔ پولیس کے مطابق ملزم مختیار عرف مکو مقتولہ کا سگا بیٹا ہے۔ملزم نے جائیداد کے تنازع پر اپنے دو سگے ماموں جمیل، کاکی اور ماموں زاد بھائی بختیار کے ہمراہ تشدد کا نشانہ بنا کر گھر میں گھس کر اپنی ماں 40 سالہ عزت پری کو گلے میں پھندا ڈال کر قتل کیا تھا ۔ملزم کے مطابق میری ماں نے دو سے تین مرتبہ مجھے پولیس کے حوالے کیا، تنگ آکر قتل کا منصوبہ بنایا۔ملزم کے بیان کے مطابق میں اس کام میں اکیلا نہیں تھا میرے ساتھ دو ماموں اور مامو کا بیٹا بھی شریک جرم ہیں ۔ملزم نے بتایا کہ میں سعودی عرب میں تھا ۔والد کے انتقال پر پاکستان آیا، مجھے پتہ چلا کے میرے والد کو مروانے میں میری ماں کا ہاتھ تھا ۔پولیس کے مطابق واقعہ مقتولہ عزت پری کے سگے دو بھائیوں کو بھی جائیداد کا لالچ تھا ،میری والدہ کورٹ میں مکان کا کیس جیت چکی تھی،جائیداد میں ڈھائی کروڑ نقد ،22 تولہ سونا تھا۔ملزم کے مطابق قتل کی واردات کے وقت چھوٹے بہن بھائیوں کو چیز لینے باہر بھیج دیا تھا۔گرفتار ملزم کو ضابطے کی کارروائی کے بعد شعبہ تفتیش کے حوالے کردیا گیا ہے۔
