• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2024 کی پہلی ششماہی میں ہر گھنٹے میں 100 بزنسز قائم کئے گئے، اعداد و شمار

آج کا اخبار
یورپ سے
09 دسمبر ، 2024
لندن (پی اے) اعداد و شمار بتاتے ہیں کہ 2024 کی پہلی ششماہی میں ہر گھنٹے میں 100بزنسز بنائے گئے۔ نئی تحقیق سے پتہ چلتا ہے کہ سال کے پہلے نصف میں برطانیہ بھر میں ہر گھنٹے میں 100 سے زیادہ نئے کاروبار بنائے گئے۔ چھوٹے کاروباری قرض دہندہ آؤکانے کہا کہ کمپنیز ہاؤس کے اعداد و شمار کے اس کے مطالعے سے پتہ چلتا ہے کہ جنوری اور جون کے درمیان برطانیہ میں 459000 سے زیادہ کاروبار رجسٹرڈ ہوئے، یہ تعداد 2023 کی پہلی ششماہی کے مقابلے میں 6 فیصد زیادہ ہے۔ لندن میں اس سال کی پہلی ششماہی میں کاروبار کی تخلیق کی شرح سب سے زیادہ ہے، جہاں فی 100000 افراد پر 1734 کاروبار شروع کئے گئے، اس کے بعد ویلز کا نمبر ہے، جہاں فی 100000 افراد پر 792 نئے کاروبار قائم ہوئے۔ اس سال جنوری اور جون کے درمیان 395000 ملازمین خود روزگار میں چلے گئے، 2023 کی پہلی ششماہی کے مقابلے میں 20000 کا اضافہ اور 2022 کے مقابلے میں 60000 کا اضافہ ہوا۔ آئیوکا کی چیف آپریٹنگ آفیسر سیماڈیسائی نے کہا کہ ہماری تحقیق برطانوی کاروبار کی لچک کو اجاگر کرتی ہے۔ مہنگائی، بریگزٹ اور کوویڈ کے نتیجے میں جاری چیلنجوں کے باوجود پورے برطانیہ میں کاروبار مضبوط واپسی کر رہے ہیں اور اقتصادی ترقی کو آگے بڑھانے میں مرکزی حیثیت رکھتے ہیں۔
یورپ سے سے مزید