• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈونلڈ ٹرمپ سب سے زیادہ سرچ کی جانے والی شخصیت قرار

آج کا اخبار
یورپ سے
14 دسمبر ، 2024
نیویارک( نیوز ڈیسک)عالمی سطح پر جس شخصیت کو سب سے زیادہ سرچ کیا گیا وہ ڈونلڈ ٹرمپ ہیں جو نومبر میں دوسری بار امریکہ کے صدر منتخب ہوئے ہیں۔برطانیہ کی پرنسز آف ویلز کیٹ مڈلٹن دوسرے نمبر پر رہیں جن کے کینسر کی تشخیص یقیناً دنیا بھر کے افراد کی توجہ کا مرکز بنی۔امریکی صدارتی انتخابات میں ڈونلڈ ٹرمپ کا مقابلہ کرنے والی کملا ہیرس اس فہرست میں تیسرے نمبر پر رہیں۔چوتھا نمبر الجزائر کی مسلم باکسر ایمان خلیف کا رہا۔ایمان خلیف نے رواں سال پیرس اولمپک گیمز 2024 میں بطور خاتون طلائی تمغہ جیتا تھا اور وہ ایونٹ کے دوران اپنی جسمانی ساخت کی وجہ سے خبروں کی زینت بنی رہی تھیں۔مائیک ٹائی سن اس فہرست میں شامل دوسری مسلم شخصیت ہیں،وہ 19 برس بعد رنگ میں دوبارہ اترنے کے باعث وہ گوگل پر لوگوں کی توجہ کا مرکز بنے۔وہ اس فہرست میں مجموعی طور پر چھٹے نمبر پر رہے۔ڈونلڈ ٹرمپ کی جانب سے نائب صدر کے عہدے کے لیے منتخب کیے گئے JD Vance کا اس فہرست میں 7 واں نمبر پر رہا۔اسپین کے فٹبالر لامین یمال اس فہرست میں 8 ویں نمبر پر رہے۔امریکہ کے موجودہ صدر جو بائیڈن کے حصے میں 5 واں نمبر آیا۔17 سالہ فٹبالر نے یورو کپ 2024 میں شاندار کارکردگی کا مظاہرہ کیا اور انہیں ینگ پلیئر آف دی ٹورنامنٹ قرار دیا گیا۔گوگل پر سب سے زیادہ سرچ کی جانے والی 9 ویں شخصیت امریکی جمناسٹ سمون بائلز کی رہی جو پیرس اولمپکس میں ایک بار پھر بہترین کارکردگی کا مظاہرہ کرتی نظر آئیں۔2024 میں بچوں کے جنسی استحصال کی رپورٹس کے باعث امریکی گلوکار Diddy کے حصے میں 10 واں نمبر آیا۔
یورپ سے سے مزید