• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عملے کے رکن کی گرفتاری، تحقیقات کی جائیں گی، ترجمان بکنگھم پیلس

آج کا اخبار
یورپ سے
14 دسمبر ، 2024
لندن ( پی اے)بکنگھم پیلس کا کہنا ہے کہ عملے کے رکن کی گرفتاری کی اطلاعات کی تحقیقات کی جائیں گی۔محل کے ترجمان کے مطابق، بکنگھم پیلس کے عملے کے ایک رکن کو کرسمس پارٹی کے بعد گرفتار کرنے کی اطلاعات کے بعد تحقیقات کی جائیں گی۔ترجمان نے کہا کہ محل کو واقعے سے آگاہ کرنے کے بعد مناسب کارروائی کی جائے گی۔ دی سن نے اطلاع دی ہے کہ منگل کے روز وسطی لندن کے وکٹوریہ کے ایک بار میں عملے کی ایک خاتون رکن کو گرفتار کیا گیا۔محل کے ایک ترجمان نے بی بی سی کو بتایا کہ ہم کام کی جگہ کے باہر ایک واقعے سے واقف ہیں جس میں متعدد گھریلو عملے شامل ہیں جو پہلے محل میں شام کے وقت استقبالیہ میں شریک ہوئے تھے۔اگرچہ یہ ایک غیر رسمی سماجی اجتماع تھا، نہ کہ سرکاری پیلس کرسمس پارٹی، حقائق کی مکمل چھان بین کی جائے گی، انفرادی عملے کے سلسلے میں ایک مضبوط تادیبی عمل کے بعد مناسب کارروائی کی جائے گی۔ میٹروپولیٹن پولیس نے کہا ہے کہ منگل 10دسمبر کو 21:21بجے افسران کو وکٹوریہ سٹریٹ، ایس ڈبلیو ون میں ایک بار میں بلایا گیا، اس رپورٹ کے بعد کہ ایک گاہک نے شیشے توڑ دیے اور عملے کے ایک رکن پر حملہ کرنے کی کوشش کی۔افسران بار پہنچے اور ایک 24 سالہ خاتون کو عام حملہ، مجرمانہ نقصان اور شراب پی کر بد نظمی کرنے کے شبہ میں گرفتار کیا۔اسے حراست میں لے لیا گیا اور اگلی شام کو بد نظمی کے جرم میں سزا کا نوٹس دے کر رہا کر دیا گیا۔
یورپ سے سے مزید