فرمان الہی
نماز کے اوقات
اسلام آباد (این این آئی)سپریم کورٹ بار ایسوسی ایشن کی جانب سے سقوط ڈھاکہ پر اور سانحہ اے پی ایس کے شہدا کو خراج تحسین پیش کرنے کیلئے اعلامیہ جاری کردیا۔سپریم کورٹ بار ایسوسی ایشن نے کہا کہ اگر حمود الرحمن کمیشن رپورٹ کی گزارشات پر عملدرآمد کیا جاتا تو آج حالات مختلف ہوتے، ابھی بھی دیر نہیں ہوئی، حمود الرحمن کمیشن کی رپورٹ کی گزارشات پرعملدرآمد ممکن ہے۔اعلامئے مطابق نیشنل ایکشن پلان کے ساتھ ہمیں نیشنل پولیٹیکل ری کنسیلیشن پلان کی بھی ضرورت ہے، سیاسی اتحاد کا بیج بو کر ہم مستحکم معیشت کی فصل کاٹ سکتے ہیں۔ اعلامئے میں کہا گیا ہے کہ آج کے روز پاکستان کی تاریخ کے دو بڑے سانحات رونما ہوئے، 1971ء میں آج ہی کے روز ملک دو ٹکڑوں میں تقسیم ہوا، 2014ء میں آج ہی کے دن معصوم بچوں کو دہشتگردی کا نشانہ بنایا گیا۔سپریم کورٹ بار ایسوسی ایشن نے کہا کہ 1971 کا سانحہ ہمیں سیاسی خود احتسابی کا درس دیتا ہے ۔
