کراچی(اسٹاف رپورٹر) محکمہ اسکول ایجوکیشن سندھ نے میٹرک اور انٹرمیڈیٹ طلبا کے سالانہ امتحانات2025کے لئے نصاب میں25فیصد کمی کرتے ہوئے 75فیصد نصاب سے امتحانات لینے کا فارمولہ طے کردیا ہے اور پیر کو ایک نوٹیفکیشن کے ذریعے اس کا باقاعدہ خاکہ جاری کر دیا گیا ہے۔ نصاب میں 25 فیصد کمی کے فارمولا کا تعین محکمہ تعلیم سندھ کے ذیلی ادارے ڈائریکٹوریٹ آف کریکولم اسسمنٹ اینڈ ریسرچ کی جانب سے کیا گیا ہے جس کے مطابق نویں، دسویں،گیارہویں اور بارہویں جماعت کی تمام فیکیلٹیز بشمول سائنس، ہیومینیٹیز، کامرس، جنرل گروپ، پری میڈیکل اور پری انجینئرنگ کے لیے آغاز سے لے کر75 فیصد سلیبس تک سے امتحانات لیے جائیں گے۔اس سلسلے میں تمام تعلیمی اداروں کو پابند کیا گیا ہے کہ وہ موسم سرما کی تعطیلات سے قبل تمام مضامین کا 50 فیصد سلیبس مکمل کرا دیں جبکہ موسم سرما کی تعطیلات کے بعد باقی ماندہ آدھے سلیبس میں سے صرف 50فیصد کی تدریس ہوگی اور پورے سیشن 2024/25میں کل سلیبس کا 75فیصد پڑھایا جائے گا اور اسی سے امتحانات بھی لیے جائیں گے۔
فرمان الہی
نماز کے اوقات
