• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میزائل پابندیاں، کریڈٹ PTI کی بیرون ملک قیادت کو جاتا ہے، احسن اقبال

آج کا اخبار
اہم خبریں
21 دسمبر ، 2024
کراچی (ٹی وی رپورٹ) جیو کے پروگرام ”نیا پاکستان شہزاد اقبال کے ساتھ “میں گفتگو کرتے ہوئے وفاقی وزیر منصوبہ بندی، احسن اقبال نے کہا ہے کہ میزائل پابندیوں سے متعلق کریڈٹ پی ٹی آئی کی بیرون ملک قیادت کو جاتا ہے۔پی ٹی آئی نے امریکا میں پاکستان کے خلاف لابنگ کی ہے۔ پی ٹی آئی نے ان تمام لوگوں کے ساتھ ہاتھ ملایا جو پاکستان کی ریاست کے دشمن ہیں ،مدارس بل کے معاملے کوخوش اسلوبی کے ساتھ حل کرلیں گے۔ مولانا فضل الرحمٰن قابل احترام اور دیرینہ ساتھی ہیں ،ماہر قومی سلامتی امور،سید محمد علی نےکہا کہ یوں لگتا ہے کہ اپنے آخری دنوں میں بائیڈن انتظامیہ ٹرمپ انتظامیہ کے لئے بارودی سرنگیں لگا رہی ہے۔بہت سے شعبوں میں مشکلات پیدا کررہی ہے۔ پاکستان کے ایٹمی اور میزائل پروگرام ان پابندیوں کا اثر نہیں پڑے گا۔ وفاقی وزیر منصوبہ بندی، احسن اقبال نے کہا کہ حکومت کی یہی کوشش ہوتی ہے کہ ملک میں سیاسی استحکام ہو۔حکومت نے ہمیشہ کوشش کی کہ سیاسی درجہ حرارت کو کم رکھا جائے۔26 ویں ترمیم پر اپوزیشن نے کہا کہ اتفاق رائے سے مل کر کام کرنا چاہتے ہیں۔ہم نے26 ویں ترمیم کے معاملے پر پارلیمانی کمیٹی بنائی، اتفاق رائے سے منظور کرائی۔پی ٹی آئی کے اندر ایسے لوگ موجود ہیں جو سیاسی طور پر تجربہ رکھتے ہیں۔اڈیالہ جیل میں موجود شخص کا رویہ انتشار پر مبنی ہے۔اصل چیز یہ ہے کہ بانی پی ٹی آئی کیا چاہتے ہیں۔پیر کو190 ملین کیس کا فیصلہ آنے والا ہے ، جو اوپن اینڈ شٹ کیس ہے۔کیا پی ٹی آئی اس وقت اپنے لئے کوئی این آر او حاصل کرنا چاہتے ہیں۔ ان کے بانی کو سزاؤں میں تخفیف ہوجائے یا حکومت ان کیسز کی پیروی سے پیچھے ہٹ جائے۔حکومت کی ترجیح ہے کہ ملک میں امن و استحکام ہو۔پی ٹی آئی کا فرض ہے کہ پارلیمان میں آکر سیاست کرے۔
اہم خبریں سے مزید