فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم میں اوپنر فخر زمان کی عدم شمولیت پر ان کے حوالے سے مختلف قیاس آرائیاں کی جارہی تھیں لیکن فخر زمان نے انہیں غلط قرار دیتے ہوئے کہا ہے کہ انہوں نے آسٹریلیا کی سیریز سے قبل پی سی بی سے دو ماہ آرام کا کہا تھا۔ بابر اعظم سے متعلق ٹوئٹ پاکستان ٹیم کے اعلان سے پہلے کی گئی تھی، سوچا ٹویٹ نہ کرتا تو بہتر ہوتا۔ لوگوں کا خیال تھا کہ میں نے پی سی بی پر تنقید کی ہے جو کہ 100 فیصد غلط ہے۔ میں نے اسے ٹیم کے اعلان سے پہلے پوسٹ کیا تھا۔ بیمار ہونے کے دوران کرکٹ نہیں کھیلنا چاہتا تھا، پی سی بی نے سزا دینے کے لیے ٹیم سے نہیں نکالا۔ پی سی بی سے اچھا تعلق ہے، کبھی بورڈ کی اتھارٹی کو چیلنج نہیں کرسکتا۔ طبیعت ناساز ہے لیکن اس سے پہلے بھی میں نے پی سی بی سے 2 ماہ آرام کا کہا تھا، کیونکہ میں اپنی کرکٹ پر توجہ دینا چاہتا تھا۔ اس وقت مجھے اپنی بیماری کا علم نہیں تھا ۔ جب ٹیم آسٹریلیا جا رہی تھی، مجھے ہائپر تھائیرائیڈزم سے متعلق پتہ چلا ، ہمارے کچھ صحافی اور سابق کھلاڑی بابر اعظم کو ڈراپ کرنا چاہتے تھے اور مجھے لگا کہ یہ لوگ پاکستان کرکٹ کے لیے ان کی تمام خدمات کو نظر انداز کر رہے ہیں۔ انہوں نے کہاچیمپینز ٹرافی میراہدف ہے ۔
