فرمان الہی
نماز کے اوقات
کراچی ( اسٹاف رپورٹر) بانی پاکستان قائد اعظم محمد علی جناح کا یوم پیدائش آج ملک بھر میں عقیدت واحترام سے منایا جائے گا،اس حوالے سے کراچی سمیت ملک بھر میں خصوصی تقریبات منعقد ہوں گی، گارڈز کی تبدیلی کی تقریب مزار قائداعظم پر منعقد ہوگی،پاکستان ملٹری اکیڈمی کاکول کا چاق وچوبند دستہ فرائض سنبھالے گا،گورنر سندھ کامران ٹیسوری ،وزیراعلی سید مراد علی شاہ ،صوبائی کابینہ کے اراکین ، عسکری وسول حکام سمیت اہم شخصیات مزار قائد پر حاضری دیں گی،پھولوں کی چادر چڑھائی جائیں گی اور فاتحہ خوانی کی جائے گی ،بانی پاکستان کے یوم پیدائش کی مناسبت سے ملک بھر میں سیمینار،کانفرنسز اور دیگر تقریبات ہوں گی،تقریبات میں قائد اعظم محمد جناح کو ان کے برصغیر کے مسلمانوں کے لئے آزاد اور خود مختار پاکستان کے خواب کو شرمندہ تعبیر کرنے کے لیے کی گئی جدوجہد پر شاندار الفاظ میں خراج عقیدت پیش کیا جائے گا۔
