فرمان الہی
نماز کے اوقات
بالی ووڈ اداکارہ کریتی سینن کی نئی تصاویر سامنے آنے کے بعد ان کے بوائے فرینڈ کبیر باہیا سے تعلقات کی افواہوں نے پھر زور پکڑ لیا۔
بھارتی میڈیا کے مطابق 34 سالہ کریتی سینن اور 25 سالہ بھارتی نژاد بزنس مین کبیر باہیا کے حوالے سے افواہیں زیرِ گردش ہیں کہ دونوں کے تعلقات ڈیٹنگ کے مرحلے میں ہیں۔
اس مرتبہ یہ دونوں کرسمس کے موقع پر بھی ساتھ تھے اور دونوں شخصیات نے سوشل میڈیا پر اس حوالے سے تصاویر بھی شیئر کی ہیں۔
ان تصاویر کے سامنے آنے کے بعد ایک مرتبہ پھر یہ خبریں گردش کرنے لگی ہیں کہ اداکارہ کریتی سینن کبیر باہیا کو ڈیٹ کر رہی ہیں۔
بھارتی میڈیا کے مطابق اس سے قبل بھی کریتی سینن اور کبیر باہیا کو کئی مرتبہ غیر ملکی مقامات پر ایک ساتھ چھٹیاں مناتے دیکھا گیا ہے۔
کبیر باہیا کو کئی دفعہ خاص مواقع پر کریتی سینن کے خاندان کے ساتھ بھی دیکھا جا چکا ہے۔
بھارتی میڈیا کے مطابق گزشتہ سال یونان میں اداکارہ کی سالگرہ کے موقع پر سامنے آنے والی تصویر میں کبیر باہیا کو دیکھے جانے کے بعد بھی ان دونوں کے تعلقات کی افواہوں نے زور پکڑ لیا تھا۔
بھارتی میڈیا کے مطابق کریتی سینن اور کبیر باہیا کے درمیان اب کافی وقت سے سنجیدہ رشتہ قائم ہے تاہم دونوں نے ہی باضابطہ طور پر اس کی تصدیق نہیں کی ہے۔
اطلاعات کے مطابق کریتی سینن اور کبیر باہیا کی جانب سے اپنے رشتے کو لے کر کسی بھی قسم کا اعلان نہ کرنے کی وجہ دونوں کے اہلِ خانہ ہیں کیونکہ ان کے اہلِ خانہ نے ابھی تک اس رشتے سے متعلق کوئی منظوری نہیں دی ہے۔
