• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پارا چنار، شام کے مظلومین سے اظہار یکجہتی کیلئے جنوبی پنجاب میں احتجاجی مظاہرے

میرا شہر
ملتان
28 دسمبر ، 2024
ملتان (سٹاف رپورٹر) ملک بھر کی طرح جنوبی پنجاب میں بھی پارا چنار اور شام کے مظلومین سے اظہار یکجہتی کے لیے احتجاجی مظاہرے کیے گئے اور ریلیاں نکالی گئیں، ملتان میں شیعہ علما کونسل اور انجمن کنیزان زہرا ایمن آباد سوتری ورٹ کے زیر اہتمام علمدار چوک پر پارا چنار اور شام کے مظلومین سے اظہار یکجہتی کے سلسلے میں احتجاجی مظاہرہ کیا گیا جس کی قیادت شیعہ علماء کونسل شعبہ تبلیغات کے رہنما علامہ سید کاشف ظہور نقوی،علامہ سید مجاہد عباس گردیزی، بشارت عباس قریشی،حاجی حسین بلوچ، صابر حسین خان،مجاہد حسین صدیقی،مشتاق حسین، ریاض حسین، آصف رضا گردیزی نے کی ،مقررین نے خطاب کرتے ہوئے کہا کہ پارا چنار میں ادویات کی ترسیل بند ہونے کی وجہ سے 100 سے زائد بچے جاں بحق ہو چکے ہیں، حکومت اور قانون نافذ کرنے والے ادارے امن و امان کے قیام کے لیے سنجیدگی سے ذمہ داری کا کردار ادا کریں اور جائز مطالبات تسلیم کیے جانے تک ہمارا احتجاج جاری رہے گا۔
ملتان سے مزید